تأملات في دبوس الحشيش
التضحيه : عمرك فكرت ايه ذنب الحشيشه انها تتحرق عشان تعمل دماغ لسيادتك ؟! ليه تمر هي بألم النار و التعذيب ده لمجرد انك تنبسط ؟! ببساطه عشان التضحيه .. الحشيشه بتضحي بشكلها و كيانها عشان غيرها يفرح و يتمزج .. كن كالحشيشه تحترق لاجل الاخرين , و لا تنتظر المقابل !
التصميم : المواطن الحشاش بيولع طرف الحشيشه بس .. مجرد ولعه صغيره , ممكن حتي تقول ديه ولعه ضعيفه اوي و ممكن تطفي لوحدها ؟! ممكن تبص عليها و تقول بقي حته الولعه ديه ممكن تحرق حته الحشيشه اللي اكبر منها ديه ؟! بس بالفعل بتحرقها كلها و تخلصها ! عشان في تصميم و ارداه ! في جديه في الفعل ! مهما كنت صغير او حقير او معفن .. انت اقوي بالتصميم !
القوه الداخليه : الحشيشه علي قد ما ممكن يكون حجمها اصغر من صباع الايد يس لما بتتحول لكميه دخان محترمه بتبقي قادره علي تخدير يجي كذا شخص , عشان جوا الحشيشه في قوه داخليه بتطلع مع الحرق !! , جوا كل واحد مننا في قوه داخليه زي الحشيشه بالظبط ... المطلوب مننا انا نستغلها و منفضلش دفنينها جوانا .. اطلق العنان لقوتك الداخليه
الصبر و التأني : لازم نحط حاجه فوق الكوبايه اثناء عمايل الدبوس .. عشان الدخان يتجمع علي مهله , و مينفعش نستجعل و نشيله بدري , عشان لو اتشال بدري مش حيعمل كميه دخان كفايه و حيضيع المجهود كله !! فكن علي يقين ان اهم اسرار النجاح هو الصبر !
المرونه : حته الحشيشه اللي اتعمل بيها الدبوس .. ممكن تتلف .. ممكن تتاخد غرقانه .. ممكن تتشرب بصور و طرق كتيره .. و ديه من اهم صفات الحشيش , و هي المرونه و سرعه التكيف مع الاوضاع .. فالتكيف مع الاوضاع شرط من شروط الاستمراريه في التفوق .!
:D ان الحشيش ليس مجرد مخدر بيتشرب فقط .. بل فلسفه تُعاش .. فكن كالدبوس او مت و انت تحاول
No comments:
Post a Comment