يوم مشمس و رائع , فالسماء تبتهج فرحا و الورود تتراقص بهجه , انه الفلانتين عيد الحب , عيد الجمال و العشق , ها قد اصطحب صديقنا الحيحان حببته الحياحنه لمطعم رومانسي في مكان هادئ خلاب , ليحتفلوا مع بعضهم باجمل و ارق مناسبه يمكن ان يحتفل بيها اي عشقين علي وجه الارض ..
الجرسون : هابي فلانتين ، نورتونا حضرتكم .. تحبوا تشربوا حاجه في الاول ؟
الحيحان : تشربي ايه يا حياتي ؟
الحيحانه : اللي تقول عليه يا روحي ..
الحيحان : يا نور عيني , انا و انا جنبك ببقي مش عاوز حاجه تاني من الدنيا
الحيحانه : يا روح قلبي و انا كمان .. اصل انت بالنسبه لي بالدنيا كلها
الحيحان : يا حته من عقلي ..
الجرسون (مقاطعهما ) : احم .. حقيقي ربنا يديم محبتكوا لبعض اكتر و اكتر , انا ارشح لكوا الليمون , بنعمله هنا تحفه ..
الحيحان : خلاص هات كوبايه واحده باتنين شليموه
الحيحانه : لا لا استني ! هو شليموه واحد و نشرب مع بعض من نفس الشليموه
الحيحان : يا روحي ,, يعني مش حتقرفي من الرياله بتاعتي ؟
الحيحانه : ريالتك سكر يا حبيبي
الحيحان : ده انتي اللي ريالتك عسل يا قلبي ..
الجرسون (يغادرهم متجها نحو المطبخ , هامسا ) : ابو قرفكوا ! عالم برياله !
يشاهد هذا المنظر الوردي النابض بكل عشق و حب , زوجان كانا يحتفلا بتلك المناسبه معا ,
الزوجه : بيفكروني بينا في شهر العسل , كانت احلي ايام حياتي ..
الزوج (ماسكا يد زوجته ليقبلها ) : يا حبيبتي , انا حياتي ابتدت من ساعه ما شفتك اصلا
الزوجه : يا روحي .. فاكر اول مشروب شربنا سوا , كان ايه ؟؟
الزوج (ضاحكا ) : كان عرق سوس .. كنا مع ابوكي .. و وقفنا في الطريق نشرب عرق سوس من راجل معفن كده هههه , كان يوم رائع عشان انتي كنتي فيه يا نور عيني
زوجه : هههه تسلم لي ياااه يا حبيبي .. بس فاكر برضه في اليوم ده , كنا راجعين من عند امك , كان عمله قلقاس تحس انه حمضان , بس كان يوم جميل
الزوج : يا حياتي , كان حيبقي اجمل لو كانت امك مصممتش تدخل مع امي المطبخ عشان تساعدها في عمايل القلقاس , تلاقيها هي اللي بوظت القلقاس بتاع امي !
الزوجه (باستنكار مفاجأ ! ) : قصدك ايه يعني !؟! امك اساسا طبخها وحش و اليوم ده كلنا روحنا البيت جلنا تسمم من طبيخها !!
الزوج : قصدي اللي قصدي .. و اللي جب لكوا تسمم ابوكي ! بعرق سوسو المعفن ده
الزوجه : طب يلا بينا نمشي من هنا .. عشان انا فعلا اتخنقت و عاوزه اروح عند اهلي !!
الزوج : مش لما يجي المشروب الغريب اللي طبلتيه ! الله يرحم ابوكي كان مش بيرمي فتله الشاي غير بعد سابع كوبايه ...
يعلو صوت الزوجان , ليصبح شجارهم محط انظار كل من في المطعم !! , يتدخل صديقنا الحيحان ليفصل بينهم
الحيحان : اهدي يا طنط ! اكيد اونكل ميصدقش يزعلك !!
الزوجه : طنط لما تنططك يا بعيد !! طنط ديه تقولها للبت اللي انت مرافقها
الحيحانه (تتدخل سريعا !! ) : احيه احيه ! جرا ايه يا وليه ؟! مرافقها ايه ؟! ما تحترمي نفسك و تعملي قيمه لسنك !؟!
الحيحان ( ينظر للحيحانه مصدوما ) : ايه ده يا حبيبتي !؟ ايه اللي بتقوليه ده !؟
الحيحانه : سوري يا بيبي ، اصلها خرجتني عن شعوري !!
الزوجه : شعور ايه يا ام شعور !! عالم بيئه صحيح !
الحيحان (يكلم زوج السيده) : ما تلم طنط يا اونكل , عشان عيب اللي هي بتقوله ده؟!
الزوج : لم انت البايره اللي معاك الاول !!
الحيحان : انا مسحمكلش تقول للجيرل فرند بتاعي بايره ؟! (ثم ينظر للحيحانيه و يسألها يعني ايه بايره ؟(
الحيحانه : انا بايره !! يا ست يا معيوبه ! ..
يتدخل الجرسون سريعا : ثانيه واحده !!! استهدوا بالله كده يا جماعه !! ميصحكش و عيب اوي علي فكره ,ده حتي انهارده عيد حب مش كده يعني !
الحيحانه : و انت مالك اصلا ! و فين الليمون ابو شالمو اللي طلبنا بقي لنا ساعه ؟ باين ان الخدمه هنا زفت !
الجرسون : اما عالم رمم بصحيح ! يعني انا جاي اهديكوا ! تقولي لي ليمون !!
الحيحان : انا مسمحلكش !! تقول للجيرل فرند بتاعتي عالم رمم (ثم ينظر للحيحانه و يسألها يعني ايه رمم )
الجروسن : قال جيرل فرند قال ؟!عالم معفنه بتشرب من رياله بعض و يقولك جيرل فرند !! هو يوم خرا من اوله !! عيد مُحن و ناس ملزقه مش عارف بيكونوا مستخبين فين طول السنه و يطلعوا لنا في اليوم ده .. توب علينا يا رب !
يتدخل كل من في المطعم لتهدئه الوضع و لكن الوضع يزداد سوءا ! فيتحول المطعم اشبه بسوق التلات او موقف مكروبصات رمسيس ... الجميع يصرخ ، يسب ، يلعن ، لا مانع من تطاول الايدي , يقذفون بعضهم بالدبابيب الحمراء و القلوب البلاستكيه , .. مشهد همجي صارخ , ضوضاء مزعجه ،،، لكن وسط ذلك الصخب العشوائي ، كان هناك من يشاهد هذا المنظر العبثي في صمت و سكوت مريب , ينظر بثبات غريب و هدوء غير مفهوم كمن يشاهد مباره كره الشاطئ للنساء بين فريقين البرازيل و ايطاليا ! .. حيث كان يجلس في اخر المطعم كميه لا بأس بيها من الاحباط و اليأس , خليط من الاضطرابات النفسيه و الميول الانتحاريه كل ذلك متجسد في شاب سنجل كان يجلس وحيدا بلا حتي دبايب ! خريج طازه من كليه طب ، يبلغ من العمر ٤٢ سنه .. مرتدي تحت قميصه حزام ناسف مدجج بافخر انواع القنابل !! .. فكان يشاهد هذا المشهد الفوضوي بكل استمتاع و لذه , شجارهم و عراكهم يدخل لقلبه السرور و التشفي , ... فيطلق لخياله العنان , ليداعبه بصوره اشلاء كل من في المطعم من محبين .. اجسامهم المتفحمه و هي منفجره و منغمسه في دماء بعضهم البعض تثير شهيته ! ،، منظر بقايا لحومهم المتناثر يداعب عقله مدعابه رومانسيه مفجعه بالاحاسيس و المشاعر ، فعيون المحبين التي كانت تشع بالحب ها هي مدهوسه بحطام الحوائط ، قلوبهم ها قد ساحت من حريق الانفجار ، عظامهم قد تهشمت و تحولت كمسحوق ابيض لا فرقه بينه و بين تراب الشارع !! فاللعنه لكل المرتطبتين و بئس المصير !!.. مسرعا يترك خياله و يخرج ريموت تفجير الحزام الناسف من جيبه ,, يتحسس ازراره ,, اخيرا يصل للزر الانفجار ,, و يقول مبتسما :
ادي اخره النجاسه !! ابقوا احتفلوا بالفلانتين في جهنم يا ولاد الو*خه .. !! هع هع هع (ضحكه شريره لم تستكمل لوقوع الانفجار !)!
______________
حبيت افكروا بالفلانتين يوم 14 / :D :D 2
:D Happy valentine every body
No comments:
Post a Comment