الEmotional Contagion

عندك دور برد , محدش بيقرب منك ,, أصل الفيروس او الباكتريا اللي عاملين لك مرض , ممكن يتنقلوا من خلال الجو و تعدي اللي حواليك ... ,, المفاجاه ان برضه لو عندك حاله اكتئاب او حالتك النفسيه مش مظبوطه ممكن مشاعرك السلبيه ديه تتنقل بين الناس و تسبب عدوي زي دور البرد بالظبط !! , بس من غير لا فيروس و لا باكتريا .. و الموضوع ده أسمه الـ Emotional contagion ..

في سنه 1993 , عالم النفس المشهور Elaine Hatfield عمل دراسات و أبحاث , عشان يثبت ان المشاعر و الانفعالات ممكن تتنقل بين الاشخاص و سما الظاهره ديه بالـ Emotional contagion , بس السؤال هنا , ازاي المشاعر اللي ملهاش كتله ثابته او كيان مادي ممكن تتنقل من شخص لشخص ؟! .. و الأجابه كانت من خلال تقسيم الـ Emotional contagion لنوعين , 

النوع الاول ... الـ type Implicit : هنا العدوي النفسيه معتمده في اساسها علي "متلقي المشاعر " , بمعني .. ان اللي بيساعد ان عدوي المشاعر توصله هو المتلقي نفسه ... الموضوع بيبتدي لما لاوعي الانسان يشوف حد حواليه عنده مشاعر معينه ,, فبيصيبه الفضول الغريب و يبتدي يسأل نفسه إيه طبيعه المشاعر ديه ؟! .. لدرجه انه بيكون عاوز يتقمصها عشان يدركها !! , مثل بسيط .. هيثم شاف مروان مكتئب , فلاوعي هيثم عشان عاوز يفهم أكتر عن حاله مروان , علطول يدي اوامر لمراكز المشاعر في دماغ هيثم , انها تبتدي تقلد انفعالات و حركات مروان المكتئب , و تحاول علي قد ما تقدر توصل لنفس الحاله النفسيه اللي مروان فيها , و الهدف ورا كل ده , ان هيثم بشكل كافي يقدر يحس بمروان و يفهم هو شاعر بإيه ...

النوع التاني ... الـ Explicit type : هنا العدوي النفسيه معتمده في اساسها علي " لاقي المشاعر " .. بمعني ان اللي بيساعد علي انتشار العدوي , هو صاحب المشاعر نفسه .. مثل بسيط .. مريام عندها خوف رهيب من الامتحان , و موجود مع صاحبتها ساره دلؤتي ,, فعشان مريام توصل لساره قد ايه هي خايفه و قلقانه , فبتذل اقصي ما عندها عشان تنقل المشاعر ديه لساره ! لدرجه انها ممكن تهول في كلامها و اسلوبها , لمجرد انها تنقل العدوي النفسيه ديه لساره .. و الهدف ورا كل ده , ان ساره تحس اكتر باللي حاسه مريام ... 

الفكره من الـ Emotional contagion , ان الانسان يعرف ان زي ما الامراض البيولوجيه مُعديه , برضه الحالات النفسيه كده .. و زي ما بتكون عاوز تحافظ علي نفسك من امراض التهاب الجيوب الانفيه و الانفلونزا فبتبعد عن اي حد عيان , برضه حافظ علي سلامك النفسي و حاول متلزقش لحد بيعاني من حاله نفسيه سلبيه .. مش لازم تخسره او تهمله خالص , بس خلي بالك علي نفسك .. عشان هو من غير ما يقصد و انتا من غير ما تدري , حتلاقي تدريجيا و بدون اي مقدمات , انتا بتعيش حاله غير حالتك , متضايق و مش عارف السبب , مخنوق من غير اي مبرر .. و المشكله , ان علماء النفس اكتشفوا ان المشاعر السلبيه بتتنقل بصوره اقوي بكتر من المشاعر الايجابيه .. فحافظوا علي صحتكوا النفسيه .. 

الصوره من أعمال الفنان المسيكي Paulette Jo