قبل ما تقرا البوست .. شوف الفيديو ده :
خلاص شوفته ...
الفيديو ده لواحده اسمها نيره , بتحكي عن بشاعه تعامل جنود صدام مع الكويتين .. و ازاي كانوا بيعذبوا الاطفال و الستات .. المهم الكام دقيقه اللي سجلتهم " نيره " قدروا يحركوا الرأي العام العالمي لمحاربه صدام و تصويره في شكل المجرم القاتل ... و القصه زي ما كلنا عارفينها .. !!
المهم العالم كله ابتدي يحارب صدام و امريكا اخيرا غزت الارهاب بتاع صدام و اتعدم الراجل و خلصت الليله ...
__________________________
لغايه دلؤتي ديه القصه الطبيعيه اللي كلنا نعرفها , بس اللي احنا منعرفوش ان البنت اللي اسمها نيره ديه اساسا بنت السفير الكويتي لاميركا ! و ان اللي هي قالته ده كله من نسيج خيالها , و كمان كانت متدربه عشان تقول كده !! (لو مش مصدقني دور علي نت ) ... (ده مينفيش ديكتاتوريه صدام و افعاله الغير انسانيه تجاه كل اللي يعارضه طبعا !! )
الفكره كلها لو كان ظهر وقت شهاده نيره واحد طلع قال ان اللي بتقوله نيره ده من حقيقي ! كان حيبقي هو الكداب , او ضد الانسانيه او مش بيفهم او حاجات زي ارهابي او يمكن فلول لصدام .. و من الاخر مكنش حد حيصدقه ... ! و ده اهم عامل في نجاح اي مؤامره و هو تشويه اي رأي مخالف ...
و لو تحب تشوف اشهر 5 مؤمرات في تاريخ العالم شوف اللينك ده :
... ملخص القضيه , ان تفكير الشعوب ما هو الي مجرد لعبه في ايد قوتين دايما بيتخنقوا , دايما بيختلف مسمي القوتين دول , بس في الاخر هما اتنين مينفعش يكون ليهم تالت ... و كل قوه بتستخدم اسلحتها و مهاراتها عشان تكسب تعاطف او تأيد الشعب , و اللي بينتصر مش الاقوي , لا الاذكي .. اللي بيعرف يلعب بكل اوراقه صح , اللي عارف هدفه و ثابت عليه , اللي يستحق فعلا يكون المنتصر ! .... و نصيحه اول ما تعرف انك حتبتدي تفكر في السياسه بقلبك و مشاعرك ! اعرف انك ماشي غلط .... !!
No comments:
Post a Comment