1916 ... ( Red Eldridge ) كان بيشتغل حارس في سيرك Sparks World Famous Shows , .. و في مره من المرات Red كان مسؤول عن اهم و اكبر فيله كانت في السيرك , الفيله الأسيويه "ماري" , كان وظفته مراقبتها في احدي المواكب الاستعراضيه , و نظرا انه مكنش محترف في التعامل مع الفيله , Red استخدم أله حاده في توجيه الفيله ماري بطريقه غلط .. فعلطول ماري دافعت عن نفسها و هجمت عليه مما أدي لموت Red ! ... طبعا الناس هاجت ازاي فيله تقتل شخص و تفضل عايشه ؟! و خصوصا ان الاشاعات طلعت انها فيله مجرمه و Red مش اول واحد تقتله ! .. و كان من الناس اللي هاجت حداد اسمه Hench Cox حاول يضرب نار علي الفيله ماري , بس نظرا لحجهما الضخم و جلدها التخين متأثرتش بالرصاص ... و فضلت صامده تسمع صراخ الناس بتنادي بقتلها ,,, صاحب السيرك Charlie Sparks شاف ان السيرك كله ممكن يخسر جامد و يتقفل كمان لو منفذش اللي الناس عاوزه انه يقتل ماري ! فقرر انه يضحي بماري في سبيل ان السيرك يفضل موجود و الناس تزوره ! .. و فعلا بعدها بكام يوم ماري اتنقلت لولايه Tennessee عشان ينفذوا فيها حكم القتل في ميدان عام , و هو الاعدام شنقا !! اتجمعوا الناس و الاطفال , كلهم جايين يستمتعوا بمشهد اعدام الفيله المجرمه ,,, و في مشهد في قمه القسوه و الوحشيه اتعدمت ماري بعد المعاناه مع الألم و الاختناق , بس مش مشكله ماري المهم الناس تنبسط ,,, بعد موت ماري طلب احدي الدكاتره البيطرين تشريح جثتها , و المفأجاه انه لاقي جرح عميق جدا , مكان الحديده اللي استخدمها Red الحارس لضرب ماري و هي ديه اللي كانت سبب هياج ماري و قتلها لـ Red ... لما اتعرف الموضوع ده , ساعتها الناس حسوا قد ايه هما ظلموا ماري و انها كانت هي مجني عليها و مظلومه , بس طبعا كان بعد ايه ؟؟, ما خلاص أعدموا ماري ...
في كتير اوي عايشين زي ماري .. بيتخطفوا من وسط اهلهم حياتهم , احلامهم ,,, يتجروا لعالم تاني مش فاهمين او عارفين عنه اي حاجه ,,, و مره واحده يصحوا يلاقوا نفسهم مسجونين جوا سيرك .. مطلوب منهم يبسطوا , يضحكوا , يخدموا اللي فيه ,, السيرك يبقي بيتهم , وطنهم , حياتهم , و اي حلم , مستقبل , حياه عاوزين يعشوها حيعشوها بس جوا السيرك ! ... و هما و حظهم ,, لو حظهم كويس حيكون حارس سجنهم رحيم بيهم شويه , او علي الاقل حيحاول يفكر في اقل الافعال أذي ليهم ,, و لو حظهم تعيس زي ماري حيترموا مع حارس غشيم مش مدرك طبيعه التعامل معاهم , يأذيهم , يجرجهم , و لو وصلت يقهرهم و يعذبهم .. كده كده محدش مهتم بحالهم الصراحه , انما كل الاصوات ساعتها حتطالبهم بالتعايش مع الوضع و التأقلم معاه , حتطالبهم انهم يسكتوا , يعدوا , ميفكروش كتير عشان ميحصلش مشاكل ! ... و ألا مصيرهم حيكون زي ماري ! جوا سيرك , حلو اوي انهم بياكلوا و يشربوا , حلو اوي انهم موافرين لهم الامن و الامان , حلو اوي انهم سايبنهم علي قيد الحياه .. و لو تخيلوا ان في يوم شكواهم ممكن تتسمع من اصحاب السيرك , حيتصدموا لما يدركوا ان اصحاب السيرك حيكونوا اول ناس تسلمهم لمشنقه الاعدام ارضاء للمجتمع و الناس ! ماري كان لازم تتعدم في ميدان عام عشان الناس عاوزه كده , الناس بتتبسط بكده , الناس متربيه علي كده ! ماري كان لازم تتعدم في ميدان عام عشان تكون عبره لاي ماري تفتكر تعمل كده في حارسها او المسؤول عنها ! ماري كان لازم تتعدم في ميدان عام عشان كل حارس بعد كده يعرف ان مفيش حد حيحاسبه او حيجي جنبه مهما عمل او أذي اي ماري تانيه !! النتيجه الواقعيه لاي ماري تتخيل انها ممكن تدافع عن نفسها , تثور او تتمرد ضد حراسها , تتألم و توجع بصوت اعلي بشويه من المسموح ليها !! هي الاعدام شنقا في ميدان عام وسط تهليل و تصفيق من كل جمهور السيرك , و لذلك ,, فليرحم الله كل ماري اتولدت علي هذه الحياه ...
القصه من الويكيبديا : http://en.wikipedia.org/
فيلم وثائقي عن الحادثه ديه : http://goo.gl/qoVHD3
شرح اكتر و تفاصيل زياده للي عاوز يقرا عن القصه :http://goo.gl/9L0nx2
No comments:
Post a Comment