لا تتركيني

سنه 1959 , في شهر سبتمبر تحديدا ... طلع علينا المغني البلجيكي المشهور Jacques Brel بواحده من اعظم أغانيه و اكترهم تأثيرا , و هي أغنيه " Ne me quitte pas " و اللي ترجمتها بالعربي " لا تتركيني " ... الاغنيه بتدور كلماتها عن واحد حبيبته سابته و هو بيطلب منها ترجع تاني ليه و تسمحه ,, كلمات الاغنيه مترجمه :

http://goo.gl/NB8iDT 

بس معلش حستأذنك و انت بتقرا كلمات الاغنيه , تروح تشوفها متصوره باداء Jacques Brel و ترجع لي تاني : 

http://goo.gl/Orzuuu

ايه رائيك في مشاعر المغني ؟؟؟ حسيت اكتر بصدق الكلمات لما شوفته , صح ؟؟ الراجل حالته صعبه جدا و هو يقول لحبيبتي متسبنيش !! بيقولها حعملك كل اللي انتي تتخيله بس متسبنيش !! بيشحت منها انها تفضل معاه , بالدموع و العياط , الراجل متبدهل عشان بس هي تسمعه و ترجع له , حيموت نفسه عليها ! ... منظش اني شفت قبل كده حد بالحاله ديه بيطلب من حبيبته انها متسبوش و متمسك بيها بالحاله ديه .... 

__________________________________________________________

لغايه هنا البوست ممكن يوقف , الناس تسمع الاغنيه و تستمتع بالكلمات و الموسيقي , تعيش الحاله الرهيبه اللي عاملها Jacques Brel ... و شكرا .... بس الحقيقه ان عشان تفهم مشاعر jacques و حالته ديه , لازم تعرف الظروف اللي حوالين الاغنيه و الاسباب اللي وراها .. لازم تسأل نفسك هي حبيبته سابته من الأصل ليه ؟؟؟؟؟ 

الموضوع بيبتدي لما Jacques وقع في حب Suzanne Gabriello او زي ما كان بيقولها Zizou و عاشوا مع بعض قصه حب جميله , لغايه ما Jacques عرف ان Zizou حامل منه ! ساعتها Jacques رفض الاعتراف بابنه من Zizou و ابتدي تدريجيا يبعد عنها و كانه بيعاقبها عشان الطفل ده !!! نظريا هو اللي اتخلي عنها في الاول ! فكان الشيئ الطبيعي من Zizou انها تتركه للابد ! .. Jacques كتب كلمات الاغنيه ديه في بار كان بيطل علي العماره اللي ساكنه فيها Zizou , و كان طول فترة كتبته في الاغنيه عنيه علي العماره ديه متوقع ان Zizou ممكن تسمعه او تشوفه .. بس طبعا هيهات .. 

اول مره اعرف فيها المعلومات ديه عن الأغنيه , زعلت جدا .. و خصوصا اني كنت بعشقها و كنت متصور في خيالي قصه مختلفه تماما عن القصه الحقيقيه .. الصراحه استحقرت jacques , و مبقتش اتذوق لا مشاعره و لا كلماته , مجرد حد جبان , تافه , مش قد المسؤوليه عاوز حبيبته ترجع له بعد ما هو رفضها في الأول ... و "جبان" ديه كانت من تعليق Jacques نفسه عن الاغنيه , لما قال انها بتعبر عن "حاله جبن الانسان اكتر من حاله حب ! " ... بس مع الوقت ادركت ان مش معني ان Jacques غلط , ان ده يكون دافع اني استهين بمشاعره , مش مبرر ليا اني اقلل من حبه لـ Zizuo او فعلا احتايجه ليها ... اه Jacques اخطأ في حق عشيقته , و حق ابنه و حق نفسه , بس ده مش كفيل انه اطعن في صدق احساسه .....

المصدر : http://www.songfacts.com/detail.php?id=9415 , 

و بالمناسبه لحن الاغنيه متاخد من لحن المقطوعه الرائعه : Hungarian Rhapsody No. 2 Orchestra ..... http://goo.gl/RxIbWQللعبقري Franz liszt

سواء اتفقنا او اختلفنا عن رأينا في موقف Jacques .. ده ميمنعش ان اغنيه ne me quitte pas , من اجمل الاغاني الرومانسيه علي مدار التاريخ و اللي اتغنت بصوت ناس كتير اوي 

http://goo.gl/4NBY8S 

و انا عن نفسي بحبها بصوت Derby Browne :

http://goo.gl/rrhckq

و اتغنت بالعربي بصوت غاليه بن علي , روعه برضه : 

http://goo.gl/fAJeEw 

استمتعوا بالأغنيه .... و متستهنوش بمشاعر حد ...