أغلب اللي شاف الصوره ديه يعرفها ان صوره اول ست تدخل ماراثون و انها اتعرضت لهجوم من الرجاله المشاركين في السباق .. و شكرا ! مع ان صوره ديه وراها حكايه قمه في الروعه ,,
اولا الست اللي بتجري ديه اسمها Katherine Switzer , كاترين كانت بتحب الجري و كانت مستغربه جدا ان مفيش و لا بنت بتشارك في الماراثونات .. فقررت تكون أول واحده تعمل كده ! دورت علي مدرب ليها و اخيرا لاقيت المدرب Arnie Briggs و اللي كان عمره 50 سنه , أرني درب كاترين علي الجري عموما , و مكنش عارف انها بتتدرب علي الجري عشان المارثون ! لدرجه انه لما عرف قالها لا يمكن بنت او ست تقدر تستحمل الجري ده ! جسمك الضعيف ممكن يحصل له حاجه , المهم هي صممت و اتدربت اكتر .. و جيه يوم سباق ماراثون بوسطن ... القوانين وقتها كانت بتمنع الستات من المشاركه , بس كاترين راحت لوحدها جايبه ورقه و كتبت رقمها و دخلت السباق , اللي متصوره منه الصوره ديه ...
الراجل العجوز اللي بيجري ورا كاترين و عاوز يمنعها اسمه Jock Semple , ده مدرب رياضي و معالج طبي برضه ,, راجل تقليدي محافظ كان ضد جري الستات في السباقات و كان مصمم يطلع كاترين من السباق , بس هي فضلت مستمره ,, المفاجأه اللي للاسف دايما مش بتتقال , ان كاترين كسبت و كملت السباق بمساعده الشخص رقم 390 .. و اللي كان بيزق Jock Semple و بستلقي الضرب و الشد بدل كاترين ... الشخص 390 أسمه Tom Miller و هو صديق كاترين اللي كان دايما واثق فيها و مؤمن انها تقدر تكسب و فعلا حصل كده .. الصراحه معتقدش كاترين كانت ممكن تكسب او تدخل التاريخ من غير مساعده توم ... اللي يعتبر مثال خرافي للصديق اللي مؤمن بقدرات و طموحات صديقته ,,
حاجه اخيره Jock Semple , اللي كان متضطهد الستات و ضد مشاركتهم في الماراثونات , بعد سنتين من موضوع كاترين ده , بقي من اكتر من المشجيعين لمشاكرتهم .. و اتأسف لكاترين و اعترف ان فعلا الست تقدر لو خدت فرصتها و ديه صوره ليه هو و هي :
كاترين كانت البدايه و اللي بعدها بنات كتير قرروا يشاركوا و يتحدوا القوانين ...
لو حد يحب تفاصيل اكتر :
No comments:
Post a Comment