اول واحد يطلق مصطلح feminism في عالم الأدب و الكاتبه كان المفكر الفرنسي و الفيلسوف Charles Fourier سنه 1837 , و أستخدمها عشان يعبر عن اهميه الاهتمام بحقوق المرأه و احترامها كأنسانه كامله , نظرا ان المرأه كانت بتعيش في الوقت ده عنصريه و احتقار شديد ,, كانت محرومه من حقها في الاختيار الاساسي لمستقبلها و حياتها .. Charles Fourier كان شايف ان مينفعش نأسس لمجتمع حديث محترم , غير لو المرأه فيه واخده كل حقوقها و حرياتها ... ابتدي بعد كده تظهر مدارس فكريه و فلسفيه كتير تكلم عن أهميه الـ feminism و تنتشر في كل انحاء العالم ,... و في منتصف الـخمسينات ابتدت الـ feminism تنتشر بقوه و ابتديت تطور من مجرد المطالبه بتوفير شغل للمرأه او حقها في التصويت للمطالبه بحقوق كانت ممكن تكون صادمه للمجتمع قبل كده , زي حق المرأه الجنسي او حقها في الاجهاض .. و ابتدت في بعض الاماكن تاخد شكل عنيف و عدائي من الذكور عموما بعد ما كانت بتطالب في الاساس بمجتمع متساوي الحقوق ميبصش للانسان علي اساس جنسه ,,, و اتحولت الـ Feminism من مجرد كلمه اطلقها مفكر فرنسي لتيار واسع و مهم جدا موجود في كل حته في العالم ....
زي اي تيار بيكبر او فكر بينتشر , ظهرت كذا مدرسه بتحتكر علي نفسها ان هي ديه مدرسه الـ feminism الأصليه !! و تقول علي مدارس الـ feminism التانيه انها مش بتمثل الـ feminism الصحيح !! ... سنه 1994 واحده من أشهر كاتبات الـ feminism أسمها Christina Hoff Sommers كتبت كتاب أسمه ( Who Stole Feminism?: How Women Have Betrayed Women) .. Christina ذكرت في الكتاب ان في بعض الـ feminists الحاليين بيحاولوا يروجوا اشاعات و اكاذيب لمجرد انهم يدعموا قضيتهم , زي مثلا أشعه كانت مشهوره وقتها ان ضرب الأنثي هو اهم سبب في تشوهات جنينيه .. Christina قالت ان الكلام ده كدب , حتي و لو هي ضد ضرب الانثي , بس مينفعش تكدب او تضلل الناس عشان تثبت قضيتها .. ذكرت برضه ان حق المرأه مش معناه انتقاص من حقوق الرجل , و ان لو الراجل عاوز يأخد حقه في المجتمع لازم بدوره يساعد المرأه انها تاخد حقها هي كمان ... و من أهم الحاجات اللي ذكرتها في الكتاب هي ان في feminists هي أطلقت عليهم gender feminism دول نساء بيضروا الـ feminism أكتر ما بيساعدوها , بيحاولوا ينشروا قضيتهم باساليب و طرق ممكن تخلي الناس تهاجمهم او علي اقل تقدير تبعد عنهم .... feminists بيدعوا الحريه و احترام الاخر , و افعالهم ملهاش اي علاقه بشعاراتهم و كلامهم ... feminists بينقدوا المجتمع الذكوري اللي بيقتصر نظرته للانثي في جسم و الجسد , و هما كل خطبهم موجه عن اللبس البنت و منظرها مش عقلها و علمها .. feminists بيهدوا و بيكسروا من غير ما يحاولوا يبنوا او يأسسوا , بيعترضوا من غير ما يفكروا في حلول .. بيرفضوا من غير ما يكون عندهم بدائل ,, بيطالبوا بالاحترام و المساوه من غير ما يبذلوا أي تضحيه او مجهود يخليهم يستحقوا الاحترام ده .. Christina Hoff Sommers بترمي اللوم علي الـ feminists دول ان هما العقبه في طريق المساوه الحقيقيه بين الراجل و الست .. ان هما اللي خانوا المرأه قبل المجتمع ... ان هما اللي سرقوا الـ feminism ..
No comments:
Post a Comment