في 1 سبتمبر 2015 , أتنشر فيديو علي الـ Youtube تحت عنوان You're More) Successful Than You Realize ) بمعني ( أنتا ناجح أكتر مما تعتقد ) , الفيديو كان عباره عن فقرتين , الفقره الأولي بيطلب من مجموعة أشخاص أنهم يقيسوا مدي نجاحهم في الحياه علي مقياس من 1 لـ 10 , و بعد ما يحددوا مستواهم ,, تيجي الفقرة التانيه , و اللي بيتسأل فيها الناس اللي عايشين مع الأشخاص ديه عن أزاي هما شايفينهم ناجحين برضه علي مقياس من 1 لـ 10 ... ,, المدهش في الفيديو ان الناس اللي عايشين معاهم بيدوهم تقديرات أعلي بكتير من اللي هما ادوها لنفسهم .. فمثلا في أم أدت لنفسها 8.8 من 10 , أبنها أدتها 11 من 10 !! و واحدة تانيه أدت لنفسها 4 من 10 .. لكن حبيبها أداها 10 و قال أنها فنانه و مبدعه و تستحق كمان أكتر من كده ,,, و أمثله تانيه كتير ..
الموضوع بيبتدي لما جامعة Strayer"" في الولايات المتحدة بتعمل بحث أجتماعي عشان تشوف ازاي الناس بتعرف مصطلح " النجاح " .. و اللي بتطلع النتايج ان حوالي 90% من الشعب الأمريكي بيعرف النجاح أنه السعادة اللي بيحصل عليها الانسان وسط عيلته و أصدقائه و الناس اللي بيحبهم و بيحبوا .. و اللي يعتبر مختلف عن تعريف النجاح حسب قاموس Merriam-Webster و اللي يعتبر أشهر قاموس أنجليزي , فالحسب قاموس Merriam-Webster , النجاح هو the fact of getting or achieving wealth, respect, or) fame ) , بمعني ( واقع حصول الأنسان علي الثروة و الأحترام و الشهرة ) ,, و اللي يعتبر تعريف مش متناسق مع دراسه جامعة Strayer .. و من هنا أبتدت حملة قويه من الجامعة ديه بالأشتراك مع الجريدة الألكترونيه A Plus , لتغيير تعريف كلمه success (نجاح) في قاموس Merriam-Webster .. و من ضمنها كان الفيديو ده ,
من أجمل مميزات اي علاقة حب , و خصوصا لو صادقه ... أنها من كتر عمقها بتخلي المنخرطين في العلاقه ديه بيشوفوا حاجات في بعض , يمكن كل واحد فيهم مش قادر يشوفها في نفسه .. و يبقي الحب عامل زي وصله غير مرئيه بتنقل الأفكار و الأحلام و المشاعر , بين المحبيبن و بعضهم .. ,, و ساعات وسط ضغط الدنيا و زحمه الحياة , ثقتنا و نظرتنا في نفسنا ممكن تتهز .. فيبتدي يتملكنا الفشل و الإحباط و نفقد أحترامنا لذاتنا و تقديرنا لنفسنا ,,, أنما مع وجود شريك حقيقي لينا , شخص قريب لقبلنا و روحنا , أنسان واثق فينا و في حقيقتنا .. حد بيحبنا فعلا , كل ده بيخليه يشوف اللي أحنا مش قادرين نشوفه في نفسنا .. بيخليه يشوف جوهرنا ,,
ففي وجهة نظري , الناس اللي أدت دراجات عاليه للأشخاص اللي بيحبهم في الفيديو , مكانوش بيجاملوهم او بيخدعوهم , أو حتي بينافقوهم قدام الكاميرات .. قد ما كانوا مصدقين فعلا قد ايه الأشخاص ديه ناجحه و تستحق التقدير , قد ايه الناس ديه متميزه و مختلفه , قد ايه الناس ديه جوهرها ناجح و مثمر ! , فالنجاح الحقيقي مش أنك تحوش فلوس كتير او تبقي مشهور بين الناس .. أنما النجاح الحقيقي هو أنك تقدر تقتني علاقه الحب صادقه ديه , و اللي من خلالها حتعيش شعورالسعاده و الفخر في عيون الناس اللي مؤمنه بيك و انتا مؤمن بيهم , وهو ده قمة النجاح ..
فيديو ( You're More Successful Than You Realize ) و اللي لازم يتشاف : https://www.youtube.com/
No comments:
Post a Comment