تلاته يعملوا نمر

" إذا قال خمسون مليون شخص مقولة حمقاء .. فإنها ما تزال مقولة حمقاء " الأديب الفرنسي " أناتول فرانس "

في القرن التالت قبل الميلاد , راح القائد العسكري الصيني Pang Cong للملك , عشان يكلمه عن الأشاعات اللي بتدور حواليه و بيرر له موقفه أن مش مشكلة لما عدد قليل يردد اي كلام , مادام مش صادر من ناس كتير !! .. فقال للملك " هل لو شخص قال ان في نمر طليق في السوق , هل جلالتك حتصدقه ؟ " , فرد الملك " لأ طبعا " .. فراح Pang Cong قالوه طب " لو اتنين قالوا , هل جلالتك حتصدقهم ؟! " , فرد الملك " .. لا برضة " , فسألة Pang Cong "طب و لو تلاته ؟! " .. هنا الملك قاله " اه كدة ممكن أصدق " .. و ديه كانت القصة اللي ورا المثيل الصيني المشهور Three men make a tiger ( تلاته رجالة يعملوا نمر ) , لتوضيح فكرة ان الحاجة كل ما زاد عدد المؤيدين ليها كل ما اكتسبت مصدقية ... بس هل فعلا " تلاته رجالة يعملوا نمر " ؟؟!! 

مغالطة الأستناد للكثرة Argumentum ad populum , و ديه مغالطة مشهورة اوي في علم المنطق , لتوضيح أن عدد المعتقدين لأي فكرة ملهوش اي علاقة بصحة الفكرة ديه ! ... خلينا نقول ان الموضوع بيبتدي لما الشاب الهندي "شودوخان " معتنق الديانه الهندوسية , كان بيكلم صديقة الغير معتنق للهندوسية .. و في وسط نقاشهم "شودوخان " بيقول لصديقة : " الهندوسية لازم تكون هي الديانه الصح ! ده في مليار هندوسي علي الارض ! لا يمكن مليار يكونوا غلط " فصديقة بيرد عليه و يقوله " طب ما في ملاين بيشربوا سجاير , ده ماينفيش ان السجاير بتضر الصحة ! ".. شودوخان بيتعصب و يتنرفز و يبتدي يهاجم صديقه و يوصفه بالجاهل و المختلف !! .. بس ايه اللي يخلي شودوخان رابط بين عدد معتنقي الفكرة بصحتها ؟! ايه اللي يخلي الانسان مايل أكتر لوجهات النظر او الأراء المقبولة مجتمعيا حتي و لو مش متسقه كليا مع أفكارة و مبادئه سواء دينية أو أجتماعية أو سياسية !؟!!

الفيلسوف الدكتور فؤاد ذكريا بيقول : " عن مغالطة الاستناد إلى انتشار و شيوع الفكرة ، هو أن جموع الناس تبحث عادة عن الأسهل و المريح . فهي تتجمع سويا حول الرأي الواحد مثلما تتلاصق أسراب الطيور لتحمي نفسها من الصقيع. و كلما كان الرأي منتشرا و مألوفا ، كان قبوله نوع من الحماية لصاحبه ، إذ يعلم أنه ليس الوحيد الذي يقول به ... أما إحساس المرء بأنه منفرد برأي جديد ، و بأنه يقتحم أرضا لم تطأها قدم أخرى من قبل و يتعين عليه أن يخوض معركة مع الكثرة الغالبة لكي يحمي فكرته الوليدة - أما هذا الإحساس فلا يقدر عليه إلا القليلون ، و على يد هؤلاء حققت البشرية أعظم إنجازاتها " 

فالموضوع ببساطة , ملوش اي علاقة بعدد الاشخاص المؤمنين بيه .. فالعدد لا بيثبت صحة المعتقد او بينفي خطأه .. أنما التحليل المنطقي العقلاني لأي فكرة هو اللي بيحدد صحتها و سلامتها العلمية ... فمش شرط للتأكد من أن في نمر في السوق أن تلاته يقولوا بكدة , زي ما برضة مش شرط أن واحد يقول .. أنما الدليل المادي المقبول هو اللي بيحدد , و لو كان من واحد او من مليون .. !! ففي النهاية المفكر Bill Maher لما حب يدي مثل عن مغالطة ديه , قال : Eat shit. Twenty trillion flies can't be wrong , بمعني ( فلنأكل فضلات ,لأنه لا يمكن أن يكون 20 تريليون ذبابة علي خطأ !! ) ..