اخيرا , النواب الصوبر هيروز قرروا يواجهوا الـ seniors ... و مكان المواجهه كان قدام كافيتريا الصديق ... الـ seniors واقفين في ناحيه و الصوبر هيروز في الناحيه اللي قصدهم .. حاله من الصمت بتخيم علي المكان .. نظرات ترقب من الطرفين ,
ندي : حنعمل ايه دلؤتي يا أخوانا ؟! ايه يا نورهان ؟؟
نورهان : انا مش عارفه هي اتأخرت ليه لغايه دلؤتي ؟!
ندي (بلهفه ) : هي جايه ؟؟
نورهان (بثقه ) : انشالله جايه ..
فجأه تظهر ABG وومان او زي ما ناس كتير يعرفوها بأسم دكتوره شريهان ! بتتحرك بثبات لمكان المعركه , في ايدها سرنجه 5 مل متهبرنه .. نظرتها كلها قوه و شجاعه ... العيون كلها عليها , مستنين منها الاشاره !
شريهان : يا مرحب بالـ seniors , يا مرحب بالعُقد و الكلاكيع ! يا مرحب بالتذاكر و الـ paper work !! هو فيه ايه ؟؟! هو انتوا افتكروا انكوا اشتريتونا ؟!! او اننا حنخاف من الـ punishment الخايب بتاعكوا !! لأ ده كان زمان !! فوقوا و شوفوا انتوا بتكلموا مين ,, احنا خلاص بطلنا نخاف !!
نورهان (بفرحه و فخر ) : عرفتوا يا ولاد ليهconsent مان قالنا عليها ... عافريم عليكي يا شريهان ..
فجأه يتكلم حد من الـ seniors ,
Senior 1 : طب انهارده تقفيل التذاكير عليكي انتي يا شريهان !! و لو مطلعتش دلؤتي علي القسم , حيبقي تقفيل تذاكر الاسبوع ده كله عليكي !!
شريهان : ....
Senior 1 : ....
شريهان : طب معلش يا اخوانا حسبقكوا انا فوق , خلصوا الموضوع ده و انا مستنيكوا , باي يا شباب , سلام يا دكاتره .. سلاموعيكم
بتمشي شريهان و تسيب الصوبر هيروز ..
Senior 2 : يا جماعه , ارجعوا تاني لاحوالكوا و شوفوا شغلكوا و احنا حنعتبر اللي انتوا عملتوه ده غلطه مش مقصوده .. و اللي حيفكر يقاوم او يعترض , او يتخيل ان فيه Seniors واقفين معاه , مصيره يجي عليه الدور !!
يبقفوا الصوبر هيروز في يأس و إحباط , بيبصوا علي بعض و هما مش عارفين يعملوا ايه ..
بيبو : خلاص يا نورهان .. هما اللي انتصورا في الأخر
نورهان : معلش يا بيبو ... حُكم القوي علي الضعيف , انا حاولت اساعدكوا بيما فيه الكفايه , بس للأسف , معرفتش
جوجو (بحماس ) : لا لسه منتصروش !!
فجأه يخلع جوجو البالطو الأبيض ليظهر تحته شخصيته الحقيقه , قسطره مان !! انه قسطره مان !!
ندي : مش ممكن !! انتا يا جوجو قسطره مان ! و كنت مخبي علينا كل الفتره ديه !!
جوجو : كنت لازم اخبي و اختلق قصص تشويه في قسطره مان !! قسطره مان كان لازم يختفي فتره , عشان يرجع في الوقت المناسب !
بدر : و عملت كل ده ليه ؟؟
جوجو : كان لازم يبعد عن ساحه الصوبر هيروز , و يراقب الموضوع من بعيد .. كان هو العين اللي بتشتغل في الخفا ,, قسطره مان فكره و الفكره لا تموت !
يبدأ جوجو في إستخدام قوته القسطريه في مهاجمة الـ Senoirs , و مع كل قسطره بيرميها عليهم بيفكتر كل تذكره قعد يقفلها و هو حيموت ينام , بيفتكر كل مروررخم مع حد من الـ staff و كل referral سخيف .. يبدأ الصوبر هيروز الأخرين مشاركه جوجو .. جلوكز وومان بترمي عليهم جلوكز عشان تجيب لهم hyperglycemia و يدخلوا في DKA و نخلص , كانويلا وومان , شغاله بالكانويلا الـ grey في كل حته في جسهم لغايه , بيتادين مان عمال يرمي عليهم بتادين لغايه ما خلاهم عاملين زي الراجل البتنجانيه بتاع McDonald's , و قطن مان واقف مش عارف يعمل ايه الصراحه ..
بيشوف المشهد ده من بعيد , consent مان , اللي واقف فرحان و فخور بالصوبر هيروز , اللي اخيرا عرفوا مقدار قوتهم الحقيقيه ,
شريف مجاهد : انا كنت عارف ان العيال ديه , حتنتصر في النهايه ...
في الوقت ديه , بيجي لشريف مريض 89 سنه و عنده heart failure ,
المريض : و نبي يا ابني , انا عاوز منك مساعده
شريف : أؤمرني يا ابويا
المريض : الأمر لله يا ابني , الموضوع بس , اني كنت عاوزكوا تحجوزني عندكوا في المستشفي عشان حاسس اني تعبان ..
شريف : تعبان من ايه يا والدي ؟؟
شريف : مفيش يا ابني , بس مراتي الله يرحمها ماتت من 24 سنه , و كنت حاسس بالوحده ,
شريف : و جاي انهارده يا حاج , عشان احللك مشكله الوحده ؟؟
المريض : لا يا ابني , انا كنت عاوز اتجوز , بس قلت اطمن علي صحتي و اعمل فحوصات قبل ما اخد القرار ده ..
شريف : مممممم , تمام , بص انا فهمت الموضوع , بس معلش بعد أذنك نمضي الـ consent ده , و انا حعرف أحللك مشكله الوحده ديه مع بعضينا .. اتفضل يا ابويا اسبقني علي القسم فوق ...
يضحك شريف ضحكه شريره و هو ينظر للمريض : هع .. هع .. وحده ! وحده يا أبن الـ ### .. ديه أيام سوده ..
No comments:
Post a Comment