الكاندوم الفرعوني

في مبني وزاره السياحه ,,, 

المسؤول : أتفضلوا استريحوا ... أنا , لما السكرتير قال لي ان في مجموعه من الشباب المصري الواعي عنده فكره لتنشيط السياحه في مصر , مصدقتش نفسي !! .. حقيقي اللي زيكوا فخر كبير لمصر .. 

كيرلس : الصراحه يا أستاذنا , انا و صديقي أسفنجه , عندنا مشروع قومي للنهوض بالسياحه في مصر و كان نفسنا حضرتك تسمعه و توصله للريس السيسي 

المسؤول : طبعا , طبعا .. ده الريس حيفرح اوي .. بس أيه بقي المشروع ؟؟

أسفنجه : السياحه الجنسيه يا باشا 

المسؤول : .. يعني ايه ؟! 

كيرلس :أكيد حضرتك تابعت موضوع أفلام السكس اللي كل شويه تتصور عند الاهرامات , و تابعت ردود أفعال الشباب المصري عليها ؟؟

المسؤول : أيوه حاجه مهينه و محزينه الصراحه .. 

كيرلس بص حضرتك , المشكله ببساطه ان الحكومه مش فاضيه تشوف افلام سكس أو تتابع اخبار صناعه البورن العالميه ,, و عشان كده لما بتيجي مودل البورن , الحكومه بتبقي مش قادره تتعرف عليها او تفرقها عن السايحه العاديه , علي عكس الشاب المصري الواعي , اللي عارفهم و حافظهم و معلق لاغلبهم بوسترات في حمام بيتهم و عامل علاقه عميقه مع البوستر ده ,, 

المسؤول : ممممم و انتوا بقي فكرتكوا انكوا تنزلوا انتوا و زمايلكوا تحموا الاثار من قله الأدب و السفاله ده , صح ؟؟

كيرلس : لا ابدا , احنا حننزل نشجعها و نساهم فيها .. و نتمني ان الفكره ديه تكون تحت اشراف وزاره السياحه ..

المسؤول (مندهش ) : ....

كيرلس : انا عارف انها ممكن تكون فكره جديده , بس زي ما الريس علمنا اننا نفكر دايما برا الصندوق و نحلم حتي و لو الحلم بعيد ,,, دلؤتي حضرتك احنا داخلين علي عاصمه جديده و قطار طائر و قناه جديده بتتحفر علي الناشف و موال كبير .. ليه بقي نروح نشحت من بلاد برا و نمد ايدنا للغريب لما ممكن نستغل مواهبنا و امكانياتنا .. حضرتك احنا لو خصصنا يوم واحد بس في الاسبوع للموضوع ده , حنلم قد كده , كفايه بس موقع pornhub أو xnxx ,,, ده احنا لو خدنا الافلام ديه و حطينها علي القنوات الارضيه , حتجيب اعلانات بالهبل , و زياده علي كده ,, الشعب كله حيرجع يتفرج علي القنوات الارضي تاني .. و نبقي رجعنا للقناه الاولي و التانيه و الـ nile tv قيمتهم زي زمان .. 

أسفنجه : متنساش يا كيرلس فكره الكاندوم الفرعوني 

المسؤول :!! الـ أيه ؟!

كيرلس : الواقي الذكري الفرعوني ,,, ده حضرتك عباره عن واقي ذكري بس حيكون علي شكل فرعون , كل الافلام اللي حتتصور لازم تتصور بيه , بحيث انه حيكون منها توعيه بالـ safe sex و برضه دعايه عن الحضاره المصرييه القديمه و خصوصا ان حيكون في كاندوم لكل فرعون .. و نتمني انه يكون في تقنيه انه أول ما يتلبس الكاندوم يطلع موسيقي النصر بتاعة اوبرا عايده او علي الأقل أغنيه بشره خير بتاعة حسين الجاسمي , صدقني حتفرق في الـ presentation كتير .. 

أسفنجه : و طبعا يا باشا , حيكون فيه فقره في الصوت و الضوء ؟ .. و اللي احنا حاليا وصلنا اننا نعرف نطلع الصوت , بس لسه مش عارفين حنطلع الضوء ازاي , بس انشالله في القريب العاجل حنعرف ... 

كيرلس : حضرتك العمل ده حيكون 100% مصري باسثناء المودلز طبعا .. يعني فرص عمل كتير للشباب .. و بدل ما بينزل محطه الشهدا أو يوقف قدام مدارس البنات الثانوي يتحرش بيهم , أهو حيكون قدامه فرصه كبيره يعرف يمارس موهبته بوضوح و يطور من نفسه كمان ... غير ان المشروع ده ممكن يرجع يجمع نسيج الشعب المصري تاني , حنلاقي لأول مره الشاب المسلم , مع الشاب المسيحي , الشاب الغني مع الشاب الفقير , الشاب اللي مع 25 يناير مع الشاب اللي مع 30 يونيو , كلنا حنكون عندنا هدف واحد و هو رفع أسم مصر من خلال المشروع ده .. و انشالله بتوجهات الريس و دعم الوزاره أكيد حنرفعه :) 

يلتقط المسؤول سماعه هاتفه و يتصل برقم ,

أسفنجه (مبتسم ) : باشا ,, هو حضرتك بتتصل بيهم عشان نبدأ دلؤتي ؟؟

المسؤول : طبعا .. طبعا .. فكره في غايه الروعه , حقيقي انا فخور ان في أشكال زيكوا موجوده بين شبابنا المصري .. بس الأول عشان نتأكد من كفاءه المشروع و جديته , لازم نتأكد من كذا حاجه .. فانا بتصل بصديق ليا في قطاع شرطه الاداب عشان الموضوع ده ,,

أسفنجه : عاوز تتأكد من ايه يا باشا , و انا اقولك ؟

المسؤول : مفيش ,, بس بأتاكد لما تروحوا القسم حيستقبلكوا بالكاندوم الفرعوني و لا بالصوت و الضوء !! ...... الكاندوم الفرعوني يا ولاد الـ #### !! .. ده انتوا حـ ### !! برا !! برا يا ولاد الـ #### !