ا
الصوره اللي قدام حضراتكم ديه , صوره لمصور قديم اسمها William H. Mumler , ده كان مصور مشهور انه بيصور الاشباح !
اه فعلا و لو عاوز تشوف صور اكتر , اتفضل :
و لو حتي عاوز تقرا عنه هو شخصيا و تعرف ان هو ضمن مجموعه من المصورين كانوا مشهورين بنوع التصوير ده اللي اسمه Spirit photography اتفضل يا سيدي :
..........................
لغايه دلؤتي تمام جدا , انت حتاخد اللينكات اللي انا حطيها و تدور حتي في جوجل و تعرف ان فعلا كان في حد بالاسم ده و بيصور الصور ديه , و حتصدق كل اللي انت شوفته بعنيك حتي !! , بس خليني اقولك ان مش انت لوحدك اللي صدقت , ده في كتير برضه صدقوا و كانوا مصدقين الراجل ده , لغايه ما جيه واحد اسمه Harry Price , ده كان عالم فزيائي مهتم جدا بالموضوع بتاع تصوير الاشباح و فضل يبحث ورا الموضوع بطريقه علميه لغايه ما وصل ان العالم ديه كلها نصابه !! و مفيش اي حاجه من الحاجات ديه حقيقيه , !! لو عاوز تقرا عنه :
..........................
اللي حصل في الجزء الاول من البوست , اني اديتك كام معلومه بصور مع كذا دليل , فتخيل لك ان كلامي صح و انت انبهرت بمصادر المعلومه و شكرا , و هو للعلم فعلا كلامي صح , بس اللي ورا كلامي مش صح ! ... ففي حاله انك اكتفيت و مدورتش ورايا و تخيلت ان خلاص انت معاك المعلومه الموثقه اللي محدش يقدر يناقشك فيها , يبقي انت موهوم بالمعرفه !! و انت في الحقيقه جاهل ..
بالرغم اني مش ملحد , بس في جمله لشيخنا الجليل ستيف هوبكنز بتقول :
" العدو الأعظم للمعرفة ليس الجهل، ولكن توهم المعرفة " !
و هي ديه الكارثه فعلا ! مش اننا مش عارفين , لا ان احنا عارفين غلط .. و متخلين ان معرفتنا ديه خلاص مفيش بعدها ,,, اقرنا لنا كام كتاب بقينا جامدين فشخ و عالم عميقه و الباقي عالم جهله , مش بتفهم .. عرفنا لنا كام مصطلح يبقي خلاص بقنا مثقفين و عالم متفتحه !! خلاص كل معلومتنا بقت حقيقه مطلقه مع ان تفكير الانسان اصلا نسبي !!
مشكله المثقف المزيف انه بيتمسك باي حقيقه علي انها حقيقه مطلقه مفهاش جدال ,مع انه لو سمح لنفسه يدور في اصل كل حاجه حيلاقي الموضوع اختلف 180 درجه , بس هو يدي لنفسه الفرصه انه يشك و يكون علي تواضع كافي مع نفسه انه يتقبل الاختلاف !
No comments:
Post a Comment