من يومين الصحفي الايطالي Luca Lavarone (لوكا لافارون ) , عمل تجربه غريبه .. و هي انه جمع اطفال اعمارهم ما بين 7 لـ 11 سنين , و طلب منهم يتعرفوا علي بنت اسمها مارتينا عمرها برضه في الفئه العمريه ديه .. و طلب منهم في البدايه , كل واحد منهم يطبطب عليها .. اللي طبطب علي وشها و اللي طبطب علي دراعها .. و اللي اتكسف و طبطب عليها من بعيد , بعد كده طلب يعملوا قدامها حركات مضحكه بوشهم , اللي طلع لسانه و اللي رفع حواجبه و اللي فضل يضحك .. و اخيرا جيه الطلب الصعب "اضربها بالقلم " !! و هنا اتفق كل الاطفال علي اجابه واحده و هي ان كل رفضوا مهما اختفلت المبررات ... في طفل قال مش حضربها عشان هي جميله , في طفل قال مش حضربها عشان انا ضد العنف , في طفل قال مينفعش نضرب البنات , و في طفل قال عشان انا راجل !!
التجربه ديه اتصورت من يومين و اترفعت علي ال youtube و حققت مشاهده لغايه دلؤتي حوالي مليون و 900000 الف ! الفيديو بتاعها اهو و لازم يتشاف :
و معلومات اكتر عن الفيديو :
في المجتمعات المختلفه , المجتمعات المحمله بالقهر و الذل , المجتمعات اللي عايشه في دواير الاسقاط ... المجتمعات اللي بتتغذي علي العنف و تنمو علي الخوف ... فكره ضرب او اهانه اي عضو فيها بتكون طبيعه جدا و مبرره .. و بتلاقي دايما الادله الدينيه و الاجتماعيه اللي تقوي و تغذي السلوك ده .... فكره ضرب البنت خصوصا و اللي ممكن تبتدي كأخت , لغايه ما تطور و تبقي ضرب الزوجه , و تنتهي بضرب الابنه او حفيده .... فكره في غايه العبقريه في المجتمعات البدائيه ديه ! اه بجد ؟؟! اخ جبان , تافه , بيعيش مراهقه ساذجه و عاوز يثبت لنفسه رجولته حيتثبتها ازاي ؟! اخته موجوده و محدش حيقدر يفتح بوءه معاه ! اصله عاوز يشوفها محترمه !!! ... راجل هايف , مش مسؤول , مش قادر يعترض علي مدريه في الشغل اللي بيسخره عنده , مش قادر يعترض علي الدوله اللي واكله حقه , مش قادر يعترض و يثور ضد نفسه و ضعفه , حيسترجع تاني رجولته المزيفه ازاي ؟!! مراته موجوده .. اضربها , انتهك كرامتها , هنها و خليك اسد , و كله من حقه شرعا و اجتمعيا !! الراجل بيشكم مراته !!! .. اب فاشل , معرفش يكون قدوه لاولاده , معندوش غير الخوف و الارهاب اللي يقدر يزرعه جوا فكرهم و عقلهم عشان يخليهم ينفذوا اللي هو عاوزه .. و لما يضرب بنته و يشوها و يخليها تحتقره كأب و تحتقر نفسها كابنه ليه .. عادي جدا , كل ده تربيه و حب كمان !!!!
اكد اجُزم ان كل الاطفال اللي في فيديو , محدش فيهم شاف امه بتتهان قدامه , اكد اجُزم , ان محدش منهم شاف اخته او حتي اي حد من قرايبه البنات بيتم التعدي علي حريتها او التدخل في حياتها الشخصيه و لو في اقل التفاصيل , اكد اجُزم ان محدش فيهم ابوه او حتي امه ! طلبت منه يأدب اخته او يراقبها او حتي في اي مناسبه حسسوه انه اعلي منها او له الحق علي فكرها او جسمها او مستقبلها !!
طبعا الفيديو مش مؤشر صريح لعقليه الاطفال ديه و تجربه مش قياسيه اوي , بس الفكره في حد ذاتها جميله , طريقه عرض الفيديو و التقرير ممتعه و مؤلمه في نفس الوقت .. يكفي انها تخلي الرجاله ام شنبه تعيد تفكيرها تاني في مصطلح الرجوله !
مقالات مهمه بتكلم عن العنف الاسري من منظور سيوكولجي :
في النهايه شكر خاص لـ Heba Freeman هي اللي فرجتني علي الفيديو و اقترحت نعمله بوست
— with Mustafa Ismail.
No comments:
Post a Comment