شعر فلسفة الحب - للشاعر الإنجليزي بيرسي بيش شيلي :
الينابيع تمتزج بالنهر،
و الأنهار بالمحيط؛
رياح السماء تمتزج إلى ما لا نهاية
بإحساس جميل
ليس في الدنيا شيء منفرد؛
فكل الأشياء وفق قانون إلهي
تمتزج في كيانِ شيءٍ آخر -
فَلِمَ لا أمتزج مع كيانك؟!!
انظري، الجبال الشاهقة تُقَبّل السماء،
والأمواج تعانق بعضها بعضاً؛
لا يمكن أن يُغتفر ذَنْبُ زهرةٍ شقيقة
إذا كانت تزدري شقيقها؛
وضوء الشمس يعانق الأرض،
و أشعة القمر تُقًبّل البحر -
ماذا تساوي كلّ هذه القبلات،
إن لم تُقَبّليني أنت ؟!
في دايما معضله بتواجهنا في الحب و هي .. افرض بنحب ناس مش بتحبنا ؟! او علي الاقل مش نفس الحب اللي بنحبه ليها ؟؟ ساعتها بنحس اننا بنشحت الحب او كأننا بنجبر الناس علي حبنا غصب عنهم , عاوزين نخطفهم , مستعدين نضحي باغلي حاجه عندنا عشان نسعدهم و مع كده برضه نتقابل بالصد !! .. و نعيش في دايره مفرغه من الوهم ,, اننا مش قادرين نبعد عنهم , و لا قادرين نخليهم يقربوا منا ... و ساعتها نحس بألم اليأس , الفشل , الاحتقار و يتولد جوانا شعور الانتقام من اكتر واحد كنا بنحبه !! و نكون عاوزين نخليه يدوق من نفس العذاب اللي هو مسؤول عنه !! مع ان في الحقيقه اكتر واحد مسؤول عن العذاب ده هو احنا نفسنا ..!
للاسف زي ما بنعيش دلؤتي زمن الاكل ملوث و الهوا ملوث و المايه ملوثه , كمان بنعيش زممن الحب الملوث !.. هو الجنين المشوه الناتج عن العلاقه الغير شرعيه بين الشهوه و الفراغ ... فبقي اللي بيحب عامل زي العيل الصغير عاوز لعبه عجبته في الفاترينا و حياخدها يعني حياخدها !! عاوز يمتلكها بغض النظر عن اللعبه ديه عاوزه ايه و لا حتي ممكن تقبله و لا لأ ! مش بيحترم كيانها و لا عامل اعتبار لاختياراتها او بمعني اصح مش عاوز يشوف جوهرها !! و لما ترفض .. تظهر علامات الفراغ و الفشل و يتحول الانسان ده لاضعف حالاته و هي حاله العجز للوصول للي هو عاوزه !! يحس ان حياته كأنها وقفت !! يبقي مش عارف يفكر , يقرر , يعمل اي حاجه ! و يتحول لكائن ميت بس بيتكلم ! و يعتقد ان هي السبب ! مع ان هو اللي قتل نفسه بنفسه , ضعفه قتله , سذاجته قتلته , وهمه الخايب هو اللي قتله .. عدم ثقته في نفسه هي اول طريق موته , !!؟ الحب عمره ما كان ضعف او تسول ! الحب يعني ثقه بنفسك قبل ما تطلب الغير يثق فيك .. الحب يعني تقبل نفسك , شكلك , جسمك , حالتك , شخصيتك , حتي عيوبك تصلحها عشان نفسك مش عشان حد تاني !! .. ساعتها حتلاقي الكون كله تقبلك و احترمك .. فلسفه الحب في جوهرها يعني الامتزاج النفسي و الروحي و الجسدي باللي بتحبه .. لو مش قادر تمتزج معاه يبقي خلاص , الدنيا مش حتنهي ! اصلها مش بالعافيه و لا البلطجه , و لا عشان انت عاوز كده يبقي حيبقي كده !! فلسفه الحب , يعني العشق الناضج و الهيام المدرك مش يعني حد مسطول اي حبه هوا يوقعوه !! فلسفه الحب يعني الحكمه و الحكمه مش بتجي غير بالتجربه .. احنا حوالي 7 مليار بشري علي الكره الارضيه ديه .. فصعب ان تحكم علي نفسك من موقف واحد و لا اتنين و لا حتي عشره ! متنغلقش في علاقه واحده و لو فشلت تموت جواها ! فلسفه الحب يعني الحريه اللي لا يمكن تنفصل عن المسؤوليه .. انا مؤمن ان الحب غالي اوي و راقي لدرجه ان مينفعش نستهتر بيه او نمرمطه معانا في مراهقات صبيانيه و شهوات تافه ! , فرجاء .. دور علي اللي يستحق حبك الغالي ده و عيشه معاه .. بس دور بحكمه و نضوج .. دور بمخك و مش باي عضو تاني في جسمك , و صدقني حتلاقي اللي تعيش معاه بجد فلسفه الحب !!
و علي رأي عمنا غسان كنفاني :
"إمرأة واحدة توجد في عمر الرجل، وكذلك رجل واحد يوجد في عمر المرأة، ماعدا ذلك ليس إلا محاولات للتعويض ".. !
No comments:
Post a Comment