بعد الموت

“عندما كنت أصغر سنا لم يكن الموت جزءًا من تصوراتي، كان خارج تصديقي، كنت اعتقد أنه بعيد، وأنه يصيب الآخرين ولا يصيبني ,, الآن أشعر بأنه قريب، وموجود في حياتي، وأن دائرة حصاره صارت أضيق، وكلما مات عزيز عليّ ودعت جزءًا مني… الحياة ليست إلا سباحة للوصول إلى الموت. ”

من رواية " أسمه الغرام" للكاتبه "علوية صبح"

في مقالة بعنوان الـ The Possibility of an Afterlife لدكتور علم النفس Steve Taylor , اتذكرت دراسه اتعملت في أنجلترا عن أعتقاد الناس في الحياه بعد الموت , و كانت المفاجأه ان حوالي 25% من الناس اللي مصنفه نفسها انها agnostics جاوبت انها فعلا بتعتقد ان فعلا في حياه بعد الموت ... و اللي يزود الغرابه في الموضوع ان في دراسه زيها أتعملت برضه في أمريكا من فتره و كان حوالي 32% من الناس اللي مصنفه نفسها agnostics و حتي atheists !! عندهم تصور ما أن في حياه بعد الموت .. مصدر المقاله : https://goo.gl/aW63Jg 

الدكتور Steve Taylor هو نفسه بيقول , أنه بالرغم انه مش بينسب نفسه لأي دين او اي عقيده إيمانيه ,إلا انه معندوش اي مشكله في فكره الحياه بعد الموت , و اللي يمكن تبان من الناحيه العلميه و العقلانيه مش مقبوله ... ,, 

اللي بيخلي الأنسان عارف يدرك الحياه و يتفاعل مع الأحداث و المواقف هو عقله .. العقل اللي مصدره العضو الموجود تحت جمجمه الأنسان اللي أسمه المُخ .. و في حاله وفاة الأنسان , بيتوقف الدم اللي رايح للمُخ , فبالتالي بتتوقف وظايف المُخ عن أدراك و أحساس و يموت الوعي .. و مفيش حياه من غير وعي ... بس دكتور Steve Taylor عنده الحل للمعضله ديه ,, 

في أعتقاد شبه راسخ عند معظمنا و هو ان الوعي البشري مصدره العقل البشري نفسه ,, طب هل ممكن يكون العقل البشري ده مش مجرد المصدر انما مجرد مُستقِبل .. يعني زي التلفزيون مش هو مصدر البث أنما هو دوره بس يستقبل اشارات البث اللي مصدرها القمر الصناعي ؟؟! الفيلسوف David Chalmers بيتكلم اننا حتي اللحظه ديه لسه مش قادرين نفسر الوعي البشري بالشكل الكافي و حابسين نفسنا في زاويه ضيقه و هي الأنسان ... بس علي حسب نظرياته الفلسفيه , الوعي طاقه أكبر و أعمق من ان يكون مصدرها عقل بشري محدود .. 

الدكتور Steve Taylor بيرجح الحياه بعد الموت استنادا للـ Near-Death Experiences (تجارب اقتراب الموت ) , و هي ظاهره بتحصل مع الأشخاص اللي بتعرضوا لتجارب مميته زي حوادث جامده , عمليات جراحيه وصلتهم لحالات خطيره , مواقف بتقربهم اوي من الموت بس بيتم انقاذهم في اخر لحظه , لما بيستعدوا وعيهم بيحكوا عن حاجات شافوها و تفاصيل لعالم تاني راحوا فيه .. و ده بيرجح وجود فعلا حياه بعد الموت , نظرا ان في حالات من الناس ديه عقلهم فعلا وقف عن التفكير و مع كده استمر وعيهم علي العمل و الادراك !! و عشان كده الحقيقه , العلم لغايه دلؤتي مش قادر يفسر الظاهره ديه بشكل كامل ,, مع ان في مقاله للدكتور Alex Lickerman بتحاول تفسر الظاهره ديه بشكل علمي , المصدر : https://goo.gl/ZcbPo6 

أخر حاجه بيعتمد عليها الدكتور Steve Taylor عشان يبرهن عن قابليه الحياه بعد الموت هي الـ Beyond Materialism (ما بعد الماديه ) ,, الفكره ببساطه هي اننا عاوزين نفهم حاجه غير ماديه بفكرنا المادي .. بمعني ان صعب اوي تخلي خروف يحل مسأله فزيائيه , مش عشان الفزيا مستحيله , أنما عشان مُخ الخروف مش مهيئ للمهمه ديه .. يمكن فعلا في حياه بعد الموت , بس الأنسان بامكانياته الضعيفه مش قادر يدركها بس بعد الموت بيحصل تغيرات تمكنه من الموضوع ده .. و يقدر الخروف يحل مسأله الفزيا !!

في النهايه , سواء انتا مؤمن بالحياه بعد الموت , أو غير مؤمن , فالخبر المؤكد في الموضوع , انك في الحالتين حتموت .. فخلي لحياتك قيمه ,