يوم الاحد ,
عند مدخل اورشاليم ,
المراسله : و زي ما حضرتك شايف يا استاذ ناحوم , احنا حاليا عن المدخل و فيه حشد بشري ضخم في استقبال يسوع ...
المذيع : تقدري يا سلاموي توصلي ليسوع ؟؟؟!
المراسله : انا بحاول اوصله بس مش عارفه , زحمه شديده اوي حواليه و حاله من الفرحه الغريبه بين الناس , الاطفال ماسكين زعف و الستات و الرجاله عمالين يقولوا كلام بمعني "الملك وصل و مخلصنا هو يسوع " .. بس انا قدرت اوصل لحد من ابتاعه .. , نتعرف بحضرتك ؟!!
احد اتباعه (بحماس شديد) : احنا مع يسوع !! و واثقين فيه للنهايه !! هو ده المسيح !
المراسله (تتكلم بصعوبه من شده الزحمه ) : طب ممكن اعرف سبب تمسكك بيه اوي كده ؟؟
هو : يا ست هانم , احنا ما صدقنا لقينا حد يحس بينا , و بمشاكلنا , حد زينا عايش وسطينا مش زي الكهنه و لا كبار الدوله عايشين في عالم تاني !!
المراسله : و انتوا متوقعين منه ايه ؟؟
هو : ننتصر علي باقي الامم و نعيد امجاد الدوله اليهوديه تاني !! و نرجع نحكم العالم تاني بقيادته !!
المراسله : زي ما جضرتك سامع يا استاذ نحاوم ... في امال ضخمه بين الناس علي يسوع , الناس منتظره انه يقدر يكون جبهه يهوديه تقدر ترجع لليهود في الامبراطوريه الرومانيه حقوقهم و تحقق لهم وعد الله ليهم بالخلاص ..
هو : شكرا يا سلاموي .. سلاومي موسي مراسله برنمجكوا اورشليم اليوم ... نرجع لضيوفنا في الاستديو الكاهن الكبير داوود سمعان و المحلل المجتمعي و السياسي المعروف هوشع ابن سامر , و نسأل كاهنا . ايه رأيك في يسوع او زي ما الناس بتسميه المسيح ؟؟
الكاهن : حضرتك طبعا عارف ان ده مش اول واحد يقول علي نفسه انه هو المسيح , و عارف ان كل اللي قبله برضه كان ليهم اتباع كتير , بس في الاخر كلهم نهايتهم واحده , ماتوا و انتهوا اتباعهم .. و كذلك مع يسوع ده .. لما يموت كل الهيصه و الدوشه اللي جضرتك شايقها ديه حتختفي ,
المذيع :و هل شايف ان واحد زي يسوع , بيمثل لكوا اي تهديد ؟؟
الكاهن : هههههه , تهديد ايه حضرتك ؟؟ مين ده اصلا ؟؟ ده شخص مدعي و بيقول كلام محدش حتي يصدقه , هو السؤال الصح ليه الامبراطور و القضاه ساكتين علي واحد زي ده لغايه دلؤتي ! ده واحد بيتحدي الشعب و بيتحدي المملكه و بيتحدي الدين ! انا مش عارف ساكتين ليه ! ده حرض الشعب انهم ميدفعوش الضرايب للقيصر و بيقول انه هو المسيح كلمه الله المتجسد و يقوم الشعب علي الكهنه , قمه الهرطقه و التجديف !!
المذيع : طب و شايف الحل معاه ايه ؟؟
الكاهن : مفيش خالص .. احنا بس نوعي شعب و نقولهم ان في واحد مدعي بيكذب علي الشعب موجود وسطيكوا و لو شوفتوه او شوفتوا اي حد من اتباعه ياريت تربوه بطريقتكوا ! و انا زي ما بقول لحضرتك هي فتره و حتلاقي الشعب عرف حقيقته و حتي حيطالب بصلبه عشان يكون عبره لاي حد تاني يفكر يكون اعلي من الكهنه و الامبراطوريه !
المذيع : طب نروح لاستاذنا الكبير هوشع ابن سامر و نقوله ايه رأيك في يسوع ؟؟
هوشع : انا صدقني مندهش جدا باللي اسمه يسوع ده , زي ما يكون القائد الاخلاقي اللي بني اسرائيل محتاجينه في الفتره ديه !! كانوا جعانين لكلام عن التسامح و الحب و مستنين نموذج زي يسوع يلتفوا حواليه .. و للاسف حتي اتباعه في منهم مش قادرين يفهموا عبقريه هذا الشخص ..
المذيع : طب تفسر اللي هو بيعمله ده بايه ؟؟
هوشع : ده برضه انا مش قادر افهمه , يعني لغايه دلؤتي مشوفناش مصلحه شخصيه راجعه عليه او ربح ما من اللي بيعمله , ده كمان بالعكس ظهرت مؤخرا شريحه كبيره من المجتمع رفضاه و عاوزه تتخلص منه ! اعتقد ان يسوع ده مش شخص عادي !
الكاهن (بعصبيه ) : اهو ده الكلام اللي اتباعه عمالين يروجوا ليه !! يعني ايه شخص مش عادي !! هو مش بشر زينا ؟!! , بياكل و يشرب و ينام ؟! و لا انت كمان يا استاذ هوشع حتمشي علي عوم الجهله و الرعاع , ان هو ده المسيح مخلص البشريه !؟؟!
يصمت هوشع و تغلق الحلقه و يبقي يسوع بين اتباعه في اروشاليم ....
to be continued >>>>>>>
No comments:
Post a Comment