الاتنين صباحا , بعد حد استقبال يسوع
في منزل هوشع ,
زوجته : هوشع هو الكلام اللي انت قولته عن يسوع امبارح في التلفزيون ده كان حقيقي ؟؟ فعلا انت مقتنع انه ممكن يكون شخص مش عادي ؟؟
هوشع : صدقيني يا حبيبتي .. انا مش عارف هل فعلا هو ده المسيح ابن الله و لا واحد بيخرف عشان شهره و صيت و لا واحد بيخرف و لامم حواليه الناس و خلاص ! , مش عارف ؟؟
زوجته : طب و المعجزات اللي عملها و اتباعه ؟؟
هوشع : عمر المعجزات ما حتكون الدليل , طب ما سحره فرعون كانوا بيعملوا اكتر من كده و لو علي الاتباع , عمر العدد ما كان دليل , روحي شوفي عبده الشمس في فارس و لا الوثنين في اثنيا ..
زوجته : انت قابلته قبل كده ؟؟
هوشع : حضرت له زي وعظه كانت علي الجبل من فتره , كان بيقول فيها كلام اول مره في حياتي اسمعه , كلام حسيت انه نازل علطول من السما .. وسط اللي احنا فيه يظهر حد يقول سامح عدوك او متشتهيش واحده ! ده اكيد حد مش عايش معانا !
زوجته : طب مدام كلام كويس زي ما بتقول , الكهنه مضايقين منه ليه بقي !؟؟
هوشع : الكهنه ملهومش دعوه بكلامه , الكهنه ليهم دعوه بمركزهم و سلطتهم ,, عارفين ان واحد زي يسوع ده لو قدر يلم الناس حواليه , ممكن يخلي الناس تفكر ! و من الحاجات اللي ممكن يفكروا فيها هي دور الكاهن في حياتهم ! و ده طبعا حيقلل من تسلط الكهنه و شعبيتهم , غير متنسيش انه ادي لنفسه الحق في تفسير التوراه ! و الكهنه يحبوا يكونوا هما المصدر الوحيد للتفسير بحجه حمايه الدين و الشريعه , و هو ده اللي عاجبني و عاجب الناس في يسوع انه مش كاهن ! او حتي بيدعي لدين جديد ..
زوجته : ازاي ديه ؟!! بعد كل ده و تقول لي مش بيدعي لدين جديد ؟!!
هوشع : ركزي حتلاقي يسوع بيقدم لك اسلوب حياه , طريقه فكر , اشباع روحي , بس عمره ما ببتكلم عن اوامر او نواهي زي ما بتنص نصوص الاديان .. عمره ما بيتكلم عن التفاصيل اللي بتخص اي دين من طقوس او نواحي شكليه , و عمره حتي ما قال بلسانه انه جاي بدين جديد ! ده يوم ما حد سأله رد "لم جت لانقض بل لأكمل " ...
زوجته : غريبه ... مممم طب و اللي زي ده مصيره ايه ؟؟
هوشع : للاسف اللي زي ده , مصيره دايما الاستبعاد .. لازم باي طريقه يبعدوه عن سكتهم , حيشوهوه , يخوفوه و لو وصلت حيقتلوه ! الا بقي لو عرفوا يشتروا او يتفقوا معاه انه يبقي معاهم ! و ده يبقي الحل الافضل , عشان اللي زي يسوع اضطهاده و تعذيبه يقويه و يقوي اتباعه , اصل عمر العنف او التخويف ما مسح فكره او قضي عليها ! لو عاوزين يحاربوا يسوع لازم يحربوه بافكار , بردود , باسئله .. و هو في الحاجات ديه متفوق عنهم بمراحل !
زوجته : ما برضه غريبه ان واحد زي ده يعرف يرد علي الكهنه ! اصل راح او جيه اكيد تعليمه مش قد كده يعني
هوشع : يسوع كلامه تحسي انه حي طالع من مشاكل الناس و اجتماعياتهم .. عكس كلام الكهنه التقليدي منزوع الروح و المشاعر .. و عشان كده ...
(فجأه يرن هاتف , انه صديقه ديماسيوس , يرد عليه )
هوشع : اه انا في البيت ... ايه بتقول ايه !! (تتغير ملامح وجهه ) .. الوالي الروماني عاوزني !! .. لا ثواني البس و اكون عنده .. خلاص .. تمام .. اشوفك هناك
زوجته : في ايه يا هوشع ؟؟
هوشع : الوالي عاوزيني .. و باين الموضوع كبير .. و ليه علاقه بيسوع .. انا حدخل البس و انزل دلؤتي ... سلام
ينزل هوشع و يتجهه للوالي
to be continued >>>>>>>>>>>>>>>>
No comments:
Post a Comment