عاهرة الإنتباه

الـ attention whore , مصطلح غير علمي أو اكاديمي , مجرد مصطلح شعبي عامي بيوصف حاله من حالات الجوع الغير طبيعي للإنتباه ! .. و مش شرط جنس معين , يعني مش لازم ست او بنت , لأ في attention whore رجاله كتير ... الفكره في عاهر او عاهره الانتباه , هو انهم بيكونوا مستعدين يعملوا اي حاجه عشان الناس تركز معاهم , و تأخدوا بالهم من وجودهم .. ممكن يضخموا حدث معين , يألفوا وهم ملوش أصل , يعملوا صراعات مزيفه و يشاركوا باقي الناس في صراعهم العقيم ده ... المهم في النهايه يلاقوا اللي بيتكلم عنهم و مغامراتهم الاسطوريه ..

في علم الفس السلوك ده نفسه , أسمه attention seeking behavior .. و اللي بيتولد عند الانسان من هو صغير .. الطفل اللي بيعيط لمجرد ان حد من اهله يركز معاه .. و يسكت لما حد يشيله او حتي يبص عليه .. , و اللي أطباء النفس بتوع الاطفال بينصحوا بالـ Tactical ignoring (التجاهل التكتيكي ) , و هو ان الأهل بيقوا مركزين مع طفلهم بس من غير ما يبينوا لهم ده , و لا حتي بنظره العين .. لمجرد تعليم اطفالهم ان مهما عيطوا او عملوا قلق ! مش الطريقه الغلط ديه اللي حتخلي الناس تركز معاهم ! .. و لما الطفل ده بيكبر , يبحاول علي الاقل يكون له دور و مكان مميز في المجتمع اللي عايش فيه , بيحاول يكون أجتماعي و ملفت للانظار , عنده علي أقل شبكه ثابته من العلاقات اللي بدورها بتمده بالانتباه الكافي اللي هو محتاجه عشان يعيش .. 

حسب هرم ماسلو للأحتياجات Maslow's hierarchy of needs , حاجه تقدير الذات , مهمه جدا لاي شخص طبيعي .. و علي العكس قله تقدير الشخص او احساسه الضعيف بقيمته اللي بيتسبب له في ألم نفسي كبير , و خصوصا لو حصل عدم اتزان في التقديرات ديه , بمعني انه شايف غيره بيلاقي الاهتمام الكافي و هو محدش مركز او واخد باله منه و من وجوده .. ده كفيل انه يزرع في الشخص ده الـInferiority complex ( عقدة النقص ) ! .. فنظريا , بمزاجنا او من غير مزاجنا .. , كلنا بلا اسثناء attention whore بدراجات مختلفه ! الـ attention seeking behavior متعمق في تفكيرنا و نفسيتنا بشكل أصعب بكتير مما نتخيل ..

في كتابه "أسرار خلق ثروه في ظل الصراعات السياسيه " , رجل الاعمال العالمي اللبناني الأصل "زياد خليل عبد النور " , قدم نصحيه في غايه العمق لكل attention whore عايش علي كوكب الارض و هي : 

" .. Seek respect, not attention. It lasts longer … "

الموضوع ببساطه اننا عاوزين الناس تاخد بالهم مننا تحت أي مسمي , حتي و لو كنا مصدر للتريقه او الاحتقار , المهم يركزوا معانا ! زي العيل الصغير اللي بيعيط و بيسبب دوشه و صداع لأهله .. اه ممكن ساعتها بوصل للي هو عاوزه من اهتمام , بس بمجرد انه حيسكت , الاهتمام ده حيموت مع الوقت ,,, بالظبط زي اي شخصيه عامه او نجم مشهور يعمل اي حاجه خارجه عن السياق , فالرأي العام يتكلم عليه يوم , يومين .. الـ facebook و الـ twitter يبقي مليانين كلام و اخبار عنه .. بس مع الوقت الناس حتشوف لها حاجه تانيه تتكلم عنها .. علي عكس الاحترام اللي .. لا يمكن يموت و لو مات صاحبه ... , فمن الاخر ,, لو الانسان خلي هدفه الاساسي الاحترام ,, ساعتها التركيز و الانتباه – و لو اتأخر – حيجي لوحده ..