- يعني انت مسيحي و لا مسلم و لا دينك ايه ؟؟!
- لا انا جوجلزمي
- ايوه يعني بتعبد ايه ؟؟
- الاله جوجل
- !!! ده اللي هو ازاي يعني ؟!!!
- هههههههه , اهو هو كده XD XD
(( كنيسه جوجل ))
الموضوع بدا بشويه شباب بتهزر , و بيقارنوا بين الله اللي اغلب العالم يعرفه و بين محرك البحث جوجل ! و ابتدوا يحطوا زي مقارنات و ادله عن ايمانهم بجوجل عن الله ... و يدخلوا في منقاشات حاده مع المتدينين اغلبها بيكون اصلا لاستفزاز المتدينين و الضحك عليهم ..
و من اشهر الادله اللي استخدموها علي الوهيه جوجل و اتباعه :
1- ان جوجل بيستجب للصلاه اسرع من اي اله !! في ثواني لو طلبت علاج للسرطان حتلاقي , لو تايهه و عاوز تعرف طريق للرجوع في ثواني حتلاقي ..
2- جوجل في كل مكان .. علي التاب , علي الاب توب , في نفس الوقت اللي بتكون فيه نفس هوم بيج بتاعه جوجل في فرنسا هي هي في البرازيل , هي هي في السودان ..
3- جوجل يعيش للابد و لا يموت !! و ان برضه اي حد متبع جوجل مش حيموت , صوره اللي رفعها علي جوجل حتبقي موجوده , ذكرياته , حتي ايميله ,, كل ده حيفضل حي في جوجل
4- جوجل عمره ما كان سبب في موت بشر او حد اضطهد حد باسمه !
5- كميه المعومات اللي موجوده في جوجل اكتر بكتير من اي كتاب ديني , من حيث الكميه و من حيث المحتوي العلمي القوي
6- للرد علي ان جوجل صناعه بشريه , متبعي الديانه الجوجلزميه بيردوا ان برضه الاديان صناعه بشريه عند غير معتنقيها ..
7- اللي مش بيستخدم محرك البحث جوجل و بيستخدم اي محرك بحث تاني , مش حيروح النار و لا جوجل حيزعل منه بالعكس ده جوجل بيرحب بمعتنقي محركات البحث التانيه و نفسه يجربوه
و في حاجات تانيه و كلام تاني لو عاوز تشوفه و تتعرف حتي علي صلواتهم و طقوسهم :
في النهايه , الموضوع ده كله كان هزار و لكن علي حد تعبير اللي عملوه قالوا احنا كملنا فيه عشان لاقينا كميه تعصب و تطرف في الناس المتدينه تجاه الهزار او اي حاجه مختلفه , فحبينا نستمر عشان نوريهم نفسهم و نوريهم قد ايه هما بيدعو للتسامح و احترام الاخر و في نفس الوقت مش قادرين يصمدوا قدام موقع علي النت !!
No comments:
Post a Comment