التعاطف

من روايه "عشاق خائبون " لـ ايهاب عبد الحميد : 

" .. لا أدعي أنني مملوء بالحب أو التعاطف، بل ربما كانت تلك أحاسيس بعيدة عني، لكن كل ما في الأمر أن البشر كائنات أتفه من أن نغضب منها أو نحقد عليها، إنهم ضعاف و تكوينهم هش للغاية، إنهم مثيرون للشفقة في أفضل الأحوال، إنهم كائنات عرجاء .. "http://www.goodreads.com/work/quotes/6759462

الصوره ديه من تجربه اجتماعيه لسه معموله قريب , تحديدا في 23 فبراير .. التجربه كانت عباره عن طفل لابس لبس صيفي خفيف جدا و واقف في عز التلج بيشتحت , و فضل كده لمده ساعتين ! اللي حصل ان مفيش اي حد حتي قرر يوقف له او يتكلم معاه , بس اخيرا اللي جيه و عطف عليه كان الشحات الأكبر منه اللي كان واقف قصاده , لدرجه انه ادي له الجاكت اللي كان بيدفيه , مع انه محتاج زيه .....

فيديو التجربه : https://www.youtube.com/watch?v=5CwCvpEMEJU

حد فكر قبل كده , ليه بنتعاطف مع الأخر ؟ طب ايه اللي بيحصل في فكرنا و نفسنا يدفعنا للشفقه او التضامن مع اي حد ؟؟ ده لدرجه , اننا ساعات ممكن نتعاطف مع حيوانات او نباتات !؟؟ .. نظريات كتير , ظهرت عشان تفسر ليه الانسان بيتعاطف عموما او اللي بيحصل علي المستوي النفسي يخلي الانسان متعاطف مع اي حاجه .. و اهم نظريتين فيهم هما الـ stimulation theory و الـ mind theory .. 

الـ mind theory , بتتكلم ان الانسان من هو صغير بيتدي يجمع العواطف ديه في عقله زي اللي بيجمع طوابع البوسطه كده .. يعني يتعلم من هو صغير لما يشوف حد حزين يتعاطف معاه , لما يشوف حد مريض يشفق عليه , و هكذا .. يعني التعاطف نابع من عقل الانسان و الخبرات السابقه اللي اكتسابها علي مدار حياته , اول ما تظهر الاشاره المعينه تظهر معاها مشاعر التعاطف ... في ظل ان الـ stimulation theory , بتتكلم عن حاجه جديده لسه علماء النفس مكشتفنها و هي الـ mirror neurons .. ,, النظريه بتقول ان في عقل الانسان منطقه عامله زي المرايه , بمجرد انه بيشوف حد بيتالم مثلا يروح علطول الجسم نفسه مفسرها ان الألم ده جواه ,,, و علي العكس لو شاف حد بيضحك يروح مفسرها ان السعاده ديه نابعه من جوا الشخص نفسه ! ... سنه 1992 قام مجموعه من العلماء بتجربه غريبه علي نوع معين من القرود , و كانت التجربه انهم يشوفوا اي جزء من دماغ القرد بيشتغل لما القرد بيمسك الموزه بايده .. لما توصلوا للجزء ده , عملوا تجربه تانيه و هي انه يشوفوا اي جزء في دماغ القرد برضه بيتشغل لمجرد انه يشوف حد تاني بيمسك الموزه بايده ! و اللي لاقوه ان هو هو نفس الجزء اللي اشتغل لما القرد نفسه قام بالفعل .. بمعني ان رؤيه القرد لانسان تاني ماسك الموزه ادي ليه شعور قريب جدا من شعوره و هو ماسكها بنفسه !! https://www.psychologytoday.com/blog/our-social-brains/201007/empathy-101

النظريتين , في علماء بأيدوهم و في علماء بيرفضوهم .. بس انا في الحقيقه مع الـ stimulation theory .... و يمكن ده بيفسر اكتر , موقف الشحات الكبير اللي تعاطف مع الشحات الصغير في فيديو التجربه الاجتماعيه علي عكس الناس كتير اللي عدت من غير ما تبص له حتي .. يمكن عشان هو اكتر واحد حاسس بمعني الألم و البرد عكس الناس التانيه , يمكن اكتر واحد عارف يعني ايه تعاني و محدش يهتم بيك , .. يمكن عشان هو اكتر واحد شبهه !! .. نظريا احنا بتعاطف مع الناس اللي شبهنا اكتر .. و عشان كده بتلاقي تلقئيا ناس بتتعاطف مع اللي زيها في جنسها او فكرها او دينها او حتي مستواها الاجتماعي , اكتر من المختلفين عنهم ,,, من هنا تبتدي معاير التعاطف تتغير حسب نظرتك الادراكيه للموقف اللي قدامك , كل ده سبب خلل كبير في تعاطف الانسان المعاصر ,,, تعاطفنا بقي محدود و مقتضب , بقي سطحي و ظاهري , بقي مجرد انفعالات غير مسؤوله متتعداش حاجز الكلام ! ...... و بقي الانسان يستبيح و يبرر قله تعاطفه او تضامنه مع اخوه الانسان المختلف عنه تحت اي مسميات او ادعاءات ساذجه ... 

لسه كمصريين , كنا من فتره قريبه مرنا بحادثه #كلب_شارع_الهرم .. و اللي ممكن تطرح تساؤل غريب شويه ازاي حاجه زي الـ stimulation theory ممكن تفسر تعاطفنا مع الكلب ؟! بالرغم انه مش شبهنا خالص .. بس الحقيقه انك لو ركزت حتشوف ظروفك فيه !! ... حتلاقي نفسك بتتعرض لضغط و ظلم في المجتمع زي الكلب ده , بتم خياتنك من اقرب اصحابك زي الكلب ده , بيتم تعذيبك و قتلك حتي و لو معنويا قدام ناس و كل واحد بيتفرج و يصور ! زي الكلب ده برضه !!! ... اعتقد الضجه الكبيره اللي سببها فيديو الكلب , هو ان ناس كتير شافت نفسها مكان الكلب ..! شافت القهر و الذل في عيونه .. .. شافت الظلم و اللامباله في عيون البشر اللي حواليه .. شافت الضعف و العجز و قله الحيله .. شافت المرايه ..! ... تعاطفك مع المختلف عنك حتي و لو كلب دليل علي نضوجك النفسي و الروحي .. فمتبخلش بتعاطفك او تضامنك الوجداني مع اي حد .. انما استمتع بمشاعرك الانسانيه ديه لاقصي درجه ...