اغلب اللي شاف الصوره ديه قبل كده يعرف عنها انها كانت تجربه قامت بيها واحده صحفيه عشان تبرهن علي فساد طبيعه انسان و ان الانسان ميال للشر و اذي الاخر بطبعه ... الكلام اللي فات ده اغلبه صح و بس اللي مش صح , انها لا كانت تجربه و لا اللي عملته واحده صحفيه ! .. انما ده كان عرض سنه 74 اسمه (rhythm 0) للفنانه الصربيه "مارينا ابراموفيتش " .. و لو عاوز تقرا اكتر عن العرض ده :
الموضوع بقي مش علي الاداء او التجربه ديه .. الموضوع علي الفنانه العبقريه ديه .. مارينا ابراموفيتش ..
نتفق او نختلف مع مارينا , بس محدش يقدر ينكر انها فنانه قدرت تمزج بين فنها و جسدها و فكرها بطريقه مدبعه فعلا .. فنانه تميزت بنوع غريب من الفون اسمه performance art و هو فن الاداء المعتمد علي الشخص الفنان اكتر من اي حاجه تانيه .. و اللي اسف مش معروف بين الناس نظرا ان قليلين اوي اللي بيعرفوا يمارسموه ..
مارينا ليها اعمال كتير و ابداعات اكتر في مجال الفن الانساني و كان اخر ابداع ليها سنه 2012 .. في فيلمها الوثائقي The artist is present و اللي كانت بستخدم الصمت عشان توصل رسالتها فيها .. اللي عاوز يشوف الفيلم (+18 ) :
مارينا عاشت قصه حب رائعه مع صديقها الفنان الادائي Ulay , و قدموا مع بعض عروض كتير .. بس لما حسوا هما الاتنين ان العلاقة بينهم مش حينفع تكمل ,, قرروا يبعدوا عن بعض و كان اخر لقاء ليهم , عند سور الصين العظيم !! و هناك اتفقوا انهم يمشوا سور الصين العظيم هي من اوله و هو من اخره , بحيث هما الاتنين يمشوه كله , و لما يتقابلوا في النص , ساعتها يبوسوا بعض "قبله الوداع " و ينفصلوا للابد .. و فعلا حصل كده !! ... بس مرت الأيام والسنين، وفي متحف الفن الحديث سنه 2010 في المكان اللي كانت مارينا بتصور فيلمها الاخير The artist id present .. فجأه ظهر رجل عجوز و قرر يقعد قدمها و يختبر معاها لحظه الصمت ديه .. بصت في عينه .. ادركت ان هو ده حبيبها Ulay اللي بعد كل السنين ديه مقدرش ينساها و حب يشاركها و لو حتي لحظه ... و اللي عاوز يشوف المشهد ده :
و اللي عاوز يقرا حاجات اكتر عن مارينا ابراموفيتش :
و
او يقرا عن فن الاداء :
No comments:
Post a Comment