في روما 259 م
كيرلس : سلاموعليكم , متعرفش يا حاج الاقي فين القسيس فلانتين ؟؟
الرجل : اؤمر
كيرلس : هو حضرتك القسيس فلانتين ؟؟
الرجل : انشالله ,, بس هي فين الانسه اللي ححتجوزها ؟؟
كيرلس (مبتسما ) : لا انا جاي لحضرتك عشان ....
فلانتين (مقاطعه ) : اه فهمت , انتا عاوز تضرب ورق ان مراتك مش مراتك عشان الامبراطور , بس الحوار ده حيكلفك جامد علي الفاضي , احسن لك خودها و اهربوا ..
كيرلس : لا خالص .. انا جاي من المستقبل عشان ..
فلانتين (مقاطعه ) : بص يا ابني انا لا ليا في سكك الطلاق و لا العرفي ...
كيرلس (بغضب) : ممكن تسمعني للاخر !!! ... انا جاي من المستقبل عشان اخدك و اوريك عيد الحب اللي اتسمي باسمك , اوريك المهزله اللي اسمها فلانتين داي !! اتفضل بقي غمض عينك و امسك ايدي جامد عشان حنطلع الزفت المستقبل !!
في المستقبل ,
كيرلس : انتا دلؤتي قدام جامعه عين شمس يوم 14 فبراير سنه 2015 .. يوم عيد الحب ! اتفضل شوف بنفسك !
فلانتين : اشوف ايه لامؤخذه ؟؟
كيرلس : تشوف عيد الحب بتاعك الناس بتعمل فيه ايه ؟!! بص كل واحد و واحده قاعدين لي مع بعض ازاي ؟!! بص كده الواد ابو بنطلون احمر اللي هناك ده .. شايف بيعمل ايه ؟!! عيب و لا مش عيب يا عم فلانتين ؟؟
فلانتين : انهي واحد ؟؟ اللي معاه مخده علي شكل دب لونها احمر ؟؟
كيرلس : هو نظريا اسمه دبودوب مش مخده ! , بس ايوه هو ... يرضيك كده ؟!! طب بص البت اللي لابسه طرحه حمرا ديه !! شوف قاعده مع الواد و بيضحكوا كده و يهزروا ازاي ؟!!
فلانتين : طب انا مش فاهم , فين المشكله !!؟؟
كيرلس : المشكله ان ديه اسمه عيد الحب ! مش عيد المحن !! بالزمه ده حب !؟
فلانتين : هو اللي انا اعرفه ان الحب علاقه بين اتنين الهدف منها ان الاتنين بيقوا مبسوطين بالعلاقه ديه .. مش شرط تبقي انتا مبسوط بيها .. ايه اللي مضايقك بقي ؟؟
كيرلس : يا عم فلانتين , ده مش حب اللي بينهم , ده لعب عيال , ديه نحنحه , ده اسمه مـــــُــــحـــــن !
فلانتين : و انتا مالك ؟!! حد غصبك علي حاجه ؟!! يا عم انتا لما تحب متبقاش تعمل زيهم !! متبقاش تعمل المُــــــحـــن !! .. بس ثانيه واحده ؟؟ هو انتا مش بتحتفل بعيد الحب ليه ؟!!
كيرلس : عشان .. عشان .. ده مش حب ! ده محن !
فلانتين : او يمكن عشان انتا مفيش بيحبك ! مفيش حد بيطيقك ! مفيش حد عاوز يخرج معاك اصلا !! عشان انتا مُعقد !!
كيرلس : لا صاحبي اسفنجه بعت لي رساله الصبح فيها هابي فلانتين يا شروق ! هو اه بعتها لي غلط , بس اهو افتكرني !!
فلانتين : كل اللي انتا فيه ده عشان انتا تعبان نفسيا و ناقم علي كل اللي حواليك !! بتحاول تختلق مفاهيم وهميه و كلام خيالي عن الحب .. و انتا اجبن من انك تقرب منه !!
فجأه يأتي امين شرطه ,
امين الشرطه : معلش يا حضارات اشوف بطايقكوا
فلانتين : يعني ايه بطايقكوا ؟؟
كيرلس : معلش يا باشا , اصله راجل كبير و نسي البطاقه في الــ ...
امين الشرطه (بغضب ) : اخرس انتا !! ... بقي انتا مش عارف يعني ايه بطايقكوا !! شكلك ارهابي بدقنك ديه !! انتا تبقي داعش و لا طالبان بقي ؟؟
فلانتين : لا انا القسيس فلانتين , قسيس في البلاط الروماني و فلسفتي في الحياه , نشر الحب و التسامح بين الناس و حفضل اجاهد طول عمري لغايه ما يتحقق !
امين الشرطه : ........
كيرلس (بصوت منخفض ) : shit !
امين الشرطه (ينفجر ضحكا ) : هههههههههههههههههههخهخهخهخ
كيرلس : يعني نروح يا باشا ؟؟
امين الشرطه : تروح مين يا روح امك ؟؟! انتا بطاقتك محتاجه تجدد
كيرلس (مبتسم ) : حجددها يا باشا .. هابي فلانتين
فلانتين : اعتقد يا حضرة الشرطه , الشاب ده عنده مشاكل اكبر بكتير من تجديد البطاقه , لك ان تتخيل ان كل نظرته عن الحب و العلاقه العاطفيه نابع من منظور ضيق جدا تحت مسمي المحن !
امين الشرطه (ضاحكا ) : هههخخخخ , مش ممكن يا شيخ , انتا بتضحكني ازاي كده ؟!!
فلانتين : هو فعلا امر يستعدي السخريه يا حضرة الشرطي , لا ده كمان له صديق الواضح انه له ميول منحرفه بعت له معايده في عيد الحب بأسم شروق !! ... اظن الشاب ده محتاج حد حقيقي يطلع كل طقات الحب اللي مدفونه جواه ...
امين الشرطه (مستمر في الضحك ) : ههههخهخهخه .. فعلا يا شيخ .. و عشان كده حناخده القسم
فلانتين :.. هو هناك في ناس بتطلع طاقات الحب اللي مدوفنه جوا الشباب اللي زي ديه ؟؟!!
امين الشرطه : و الله يا شيخ بنطلع لهم كل حاجه و في القسم برضه مش عاجب !... يلا يا ياد قول للحاج هابي فلانتين عشان حناخدك علي القسم نطلع لك طاقه الحب المدفونه جواك ! هخهخهخهخهخهخهههه عسل والله يا شيخ
No comments:
Post a Comment