اثناء سيره في الشارع , فجأه يسمع صوت هامس غير معلوم المصدر ...
الصوت : يا استاذ ... يا استاذ .. لو سمحت ..
يتوقف كيرلس , فيخرج شاب من ورا الشجره ماسك بيده شنطه سوداء , و يقترب من كيرلس بحرص ثم يخرج منها فلاير لبرنامج حمدين صباحي و يعطيها لكيرلس بسرعه ...
كيرلس : في ايه يا عم , هو انت بتديني دفتر بفره ؟؟ .. مال لك قلقان كده ليه ؟؟
الشاب : احطياطي برضه ... انت متعرفش بتوع السيسي عاملين فينا ايه !
كيرلس : لا يا عم اتقل كده , انت مش بتعمل حاجه غلط !! و انشالله النسر ينجح .. و الثوره تكمل , اوعي تخليهم ينجحوا انهم يدخلوا الخوف في قلوبنا او يحسوا اننا مهزومين !!! و علي العموم انا حسيب لك نمرتي و عنواني , و المره الجايه لو نازلين قريب مني , ابقي اتصل بيا و انا انزل معاكوا ,, و عاوز دكر يقرب لكوا !! و بقول لك عندك فيس ؟؟ ضفيني دلؤتي ؟؟
الشاب : اه طبعا , انت اسمك ايه علي الفيس ؟؟
كيرلس : اسمي كيرلس بهجت
الشاب : اه لاقيتك , بس في اتنين كيرلس بهجت , واحد works at السرير و التاني works at مدرسه الحب , انتا انهي واحد ؟؟
كيرلس : لا يا عم انا works at يسقط كل من خان و بين قوسين اسمي (المجد للشهداء )
فجأه تمر مسيره بالسيارات , داعمه للسيسي و تتوقف سياره منهم فينزل منها شخص ضخم الهيئه , يقترب من كيرلس و الشاب .. و يوزع عليهم فلاير للسيسي
الرجل (بصوت خشن ) : السيسي انشالله يا رجاله !
الشاب : مش لما نقرا برنامجه الاول !
الرجل : تقرا برنامجه ؟؟! انت اخوان يلا ؟؟
كيرلس (بصوت متقطع ) : لا يا حاج , هو قصده يعني عشان لما يدي له صوته يكون عن اقتناع ,, شغل شباب و كده ...
الرجل (بعصبيه ) : بلا شباب بلا خرا !! كلنا حننتخب السيسي !! مفهوم ؟؟!
كيرلس (بضحكه خفيفه ) : هههه اكيد يا حاج
الرجل لكيرلس : اخرس انت , انا بكلم الواد ده !
كيرلس : حاضر يا حاج .
الشاب (بكل حماس ) : انتوا ممكن تاخدوا مننا حريتنا , تاخدوا مننا صوتنا , تاخدوا مننا عيونا , بس لا يمكن تاخدوا مننا حلمنا او ثورتنا !
الرجل : لا يا روح امك احنا مش حناخد منك غير بنطلونك !! (ثم ينظر لباقي من في السيارات و يناديهم , فينزل جيش من المواطنين الشرفاء تجاه الشاب و ينزلون به فتكا )
كيرلس : طب يا حاج , انا حنتخب السيسي , ممكن امشي بقي ؟؟
الرجل : استنا شويه انت رخر ! ... حديك حاجه
كيرلس (يبكي ) : لا حاج والنبي انا غلبان !! ربنا يخليك !! بلاش !!!
الرجل : مال لك يا ابني ! انا حديك حاجات توزعها , و صور للسيسي تلازقها في شارعكوا متخفش .. غير يا ابني احنا مش مفترين او بلطجيه عشان نخوف الناس او نرعبهم , بس الفكره ان انتوا زي ولادنا و مش عارفين مصلحتكوا فبنربيكوا ! .. يعني صاحبك ده (ثم يشير للشاب الذي يتم اغتصابه علي يد المواطنين الشرفاء )
كيرلس (مسرعا ) : لا يا حاج , ده لا صاحبي و لا اعرفه !!
الرجل :المهم يعني الواد ده .. اه احنا بنضربه .. اه ممكن نعمل له عاهه مستديمه , ممكن نكسر له رجل او نفقع له عين ,.. بس كل ده ليه ؟؟؟! مش عشان مصلحته و مصلحه البلد كلها ؟؟؟ عشان يتربي !! فاهم يا ابني , احنا و الله بنعمل كل ده عشان مصلحتكوا انتوا !
ثم يتجه كيرلس للمواطنين الشرفاء : ربوا امه العيل الخاين ده !! اتوخس علي اشكالكوا !
ثم يتجه مره اخري للحاج : الله عليك يا حاج , ياريت فعلا كل ابهات اليومين دول في حكمتك كده , ربنا يخليك لولادك يا حاج ! بس هو حضرتك شغال ايه ؟؟
الرجل : انا يا ابني مدير جميعه الصدر الرحم لرعايه الايتام و اطفال الشوارع و حاليا منسق حمله " ولاد السيسي "
كيرلس : باسم الله ماشاء الله , ربنا يخليك لينا و للجميعه و للايتام و لمصر كلها يا حاج .... احنا فعلا محتاجين رئيس يكون اب حنين زي حضرتك كده عشان يعرف يربي البلد بنت الكلب ديه تاني من اول و جديد !!
No comments:
Post a Comment