مسكها من شعرها و نزل فيها ضرب بالاقلام و الشلاليط ! .... و هي تصرخ و تعيط ... , امها كانت بتحاول تدخل في النص عشان تهديه و تحميها , بس مفيش فايده !
الام ( باكيه ) : يا حاج اهدي !! .. هي لما تقعد مع نفسها حتعرف غلطها ... اهدي يا حاج .. البت حتموت في ايدك !! بنتنا يا حاج !
هو : يكش تموت و لا تتحرق ! ،، بقي بنت الشيخ اسماعيل الزهراني تتنصر !!! يا دي العار و الوكسه ! ... لا و البجحه بنت الكلب ديه جايه تقولها لي في وشي ,,, و تقول لي حريتي !!! حريتك ايه يا ##### ؟؟!!! مين من صحباتك اللي لعبت في دماغك كده ؟؟ قولي علي اسم بنت الـ ##### و انا اروح اقتلها و اقتل اهلها !!
الام : يا حاج هدي نفسك ... البت حتقع منا و تضيع .. تلاقي النصاري عاملين لها عمل و لا سحر !!
الشيخ : يا خوفي لا يكون في كلب من كلاب النصاري لحس دمغها و غلط معاها ؟؟ ردي عليا يا #### غلطي مع نصراني ؟؟؟! ردي عليا يا وسخه ؟؟؟ حصل حاجه ؟؟؟!
و فجأه يسبها مرميه في ارض الصالون و يدخل اوضتها .. يقلب في شنطها و في متعلقتها الشخصيه .. و وسط انهيار عصبي و نفسي للاب ، يلاقي الانجيل .. فيرجع لها و معه الانجيل في يده !!
الشيخ : شوفي بنتك !!! عندها ايه في اوضتها !! ردي يا بت ؟! الكتاب النجس ده دخل بيتنا ازاي ؟؟؟!
و بعد زعيق و شتيمه من الاب و صمت و تعب من البنت و خوف و ضعف من الام .. ينفجر الشيخ بالدموع :
ليه يا بنتي ؟؟ ازاي يجي لك قلبك تقولي لي في وشي انك بقتي نصرانيه ؟؟؟ علمنا لك ايه انا و امك عشان تمرطينا معاكي كده في اخر ايامنا ؟؟ ليه مفكرتش في شكلنا و منظرنا ؟؟ ليه مفكرتيش في اللي حيحصل لك و يحصلنا لما يعرفوا في الجامع ان بنت الشيخ اسماعيل اتنصرت !!!
الام بتقرب من الاب و تهمس في ودنه : قوم احضنها يا حاج و طبطب عليها شويه ،، حرام يا حاج دي برضه بنتك و مسيرها تعقل و تتهتدي ...
تتغير نبره صوت الشيخ الهاديه للتحول لنبره وعيد و تهديد : لا ديه مش بنتي ! ، بنتي ميطلعش منها اللي هي قالت ده !! و لو مبطلش الهبل و القرف اللي بتقوله ده بمزاجها حخليها تبطله غصب عنها !! حتي لو وصلت اني اكسر لها كل جسمها و لا اربطها في رجل السرير و انسر عليها كرباج كل يوم !! .. و حتتحبس زي الكلبه في البيت !! لغايه ما تنيل تروح لبيت جوزها و هو يبقي يربيها من جديد عشان احنا شكلنا معرفناش نربيها !!!
No comments:
Post a Comment