سنه 1976 , العلماء قرروا يعملوا تجربه غريبه شويه ... و هي انهم يشوفوا العلاقه بين مده بدأ عمليه التبول و المسافه بين كل مبوله و التانيه ! و النتيجه كانت ان كل ما المسافه كانت كبيره , كل ما البدأ في عمليه التبول كان اسرع و اكثر سلاسه !! و العكس الصحيح .. و التفسير العلمي للموضوع ده هو ان كل ما المسافه بين المبوله و التانيه كانت اكبر , فده بيدي نوع من انواع الارتايح للشخص المتبول ! فيبتدي بسرعه طبعا التجربه دخل فيها تفاصيل اكتر و مقايس و ارقام ,, بس ده كان الاساس .. لو عاوز تقرا عنها اكتر :
علي قد ما المسافات الشخصيه امر ممكن يكون بسيط بالنسبه لناس كتير او مش معروف , الا انه مهم جدا و مؤثر في سلوكيات الناس ... الطبيب النفسي Robert Sommer قال ان حتي من غير وعينا , لما بنكون في الموصلات او اي مكان زحمه و نحس ان في حد اقتحم مساحتنا الشخصيه حتي و لو انه قرب عشان يجري حوار ! تلقيئا حتي و لو حنكمل الحوار بنلاقي نفسنا بنعبد عشان نسترد مساحتنا الشخصيه ديه ...
علماء النفس وخصوصا Edward T. Hall قسموا المساحات الشخصيه ديه لاربع مسافات اساسيه :
1- المسافه الحميميه : من اللمس لغايه حوالي 46 سم .. و ديه المسافه المسموحه للاصدقاء اوي , الاهل , الاطفال , الناس اللي انتا عارفهم اوي .. من الاخر مش اي حد يقرب منك اكتر من نص متر و حتبقي مرتاح , يعني اللي بيحصل في المترو و مصالح الحكوميه ده انتهاك عرض لاي مسافه حميمه ممكن تتخيلها
2- المسافه الشخصيه : ديه من 46 سم لغايه 122 سم , مسافه الزملاء , الحوارات الجماعيه , النقاشات .. يعني طبيعي جدا يكون بينك و بين اي حد تعرفه حوالي متر تتعامل معاه من خلاله ...
3- المسافه الاجتماعيه : من 122 سم لغايه 2 و نص متر ... و ديه بتاعه اي حد غريب قررت انك تتعامل معاه ... يعني مش حيدخل من برا للمسافه الشخصيه علطول , في مرحله انتقاليه بتاع 2 متر كده ممكن يوقف فيها .. يقدم لك نفسه فيها و بعدها انت تقرر تدخله للمسافه الشخصيه و لا يرجع تاني للمسافه العامه ...
4- المسافه العامه : من 2 متر و نص , فيما فوق .. ديه بتاعه اي حد تعرفه او متعرفوش .. الناس العاديه بتاعه الشارع ....
من الاخر حيبقي شيئ لطيف جدا لو المجتمع ادرك اهميه المسافات و المساحات ديه ... و قبل ما يقتحم لامؤخذه مسافه مش مسافته يفكر في الموضوع كذا مره .... و ادي العلم اثبت ان الانسان بيحب يتمتع بقدر كبير من المسافات الشخصيه سواء و هو راكب مواصلات او و هو بيتكلم , او حتي و هو بيتبول
No comments:
Post a Comment