الصوره للراقصه الاستعراضيه Cassandra Naud ,,, كاسندرا اتولدت بعاهه في وشها , و فضلت تكبر معاها لغايه دلؤتي .. طبعا العاهه ديه سببت لها تعب و قرف كتير في حياتها , يكفي تريقه زملاتها ليها في المدرسه او نظره باقي الاطفال ليها في الشارع , كانت ايام كتير بتتدعي الصمود و اللامباله بكلام الناس , بس كانت لما ترجع البيت او تفضل لوحدها تنفجر من العياط ! , زي اي طفله كانت بتمر بالموضوع ده كانت ممكن تكره حياتها و نفسها .. بس كاسندرا قررت بدل ما تسمح للمجتمع انه ينتقم منها , انما هي اللي حتتنتقم منه ! .. كاسندرا استمرت في حياتها و اختارت المجال اللي هي بتحبه , و هو الرقص .. اتعلمت و اتدربت و بقت من اشهر الراقصات المحترفيات في امريكا .. و حاليا عايشه حياه مثاليه في وجهه نظرها مع حبيبها Patrick Cook
في يوم من الايام لما كاسندرا كانت 13 سنه , رجعت بيتها غضبانه و مخنوقه و قررت انها تروح لدكتور تجميل عشان يشيلها العلامه اللي في وشها , بس ساعتها حذرها ان لو شالها العلامه ديه ممكن تسيب علامه تانيه (ندبه )و برضه يكون شكلها مش لطيف ... فحزنت و حست ساعتها ان مفيش امل حالتها تتحسن , بس بتقول لما هديت و ابتدت تفكر في الموضوع بعيد عن نظرات الناس و المجتمع , حسيت ان العلامه اللي في وشها ديه جزء منها و من شخصيتها .. مش حتتخلي عنها او تشيلها لمجرد ان المجتمع عاوزها تشيلها او رافض يتقبلها بيها .. قررت انها مش حتتغير عشان تعجب حد او تمشي علي مزاج حد , انما لو حتتغير فتتغير عشان نفسها و حياتها بس ...
كاسندرا بتقول في حوار معاها ان الوقت بيغير الشكل , فالانسان مش المفروض يبقي قلقان علي الحفاظ علي شكله الطبيعي .. و اهم حاجه ميسمحش لحد معقد او مريض نفسي انه يعقده او يدخل الحزن و الكأبه لحياته .. انما لازم كل انسان يكون فخور بشكله المميز و حالته الفريده ..
لمعلومات اكتر و صور تانيه عن كاسندرا : http://
و اخيرا فيديو مجمع من رقصات لكاسندرا كله بهجه و أمل و حب للحياه , اتمني كل الناس تشوفه : https://www.youtube.com/
No comments:
Post a Comment