(( الجزء المحذوف من حلقه السيسي ))
ابراهيم عيسي : سياده المشير عبد الفتاح السيسي , ايه اللي حضرتك شايفه ناقص , عشان مصر توصل كأس العالم ؟؟
السيسي (بعد بحلقه ربع ساعه في صوابع ايده , اخيرا يرد ) : اوعدك يا اوستاز ابراهيم و اوعد كل المصريين .. اننا قريب اوي , حنوصل كاس العالم ..
ابراهيم عيسي : هايل , طب ايه الاليات اللي حضرتك حتنفذها عشان نوصل ؟؟
السيسي (مبتسم ) : مش حقولك اكتر من اني اوعدك , ان حلم كاس العالم حيبقي حقيقه ..
ابراهيم عيسي : وعدك علي راسي يا سياده المشير , بس هو ازاي بقي حنوصل ؟؟!!
السيسي (مبتسم ) : و ده .. وعد مني .. لكل المصريين اللي بحبهم و هما عارفين غلاوتهم عندي ..
لاميس الحديدي ( تتدخل ) : اعتقد اجابه سياده المشير كانت واضحه علي السؤال ده , طب نروح لنقطه تانيه برضه ليها علاقه بكأس العالم ؟؟ هل ممكن المرشح عبد الفتاح السيسي يوعد الشعب المصري انه لو بقي ريس حيضمن ان متشتات كاس العالم تتذاع علي القنوات المصرييه ؟؟
السيسي (بعد نصف ساعه صمت و بحلقه في السقف ) : .. تخيلي يا اوستازه لاميس , احنا لما مش بنذيع متشات كاس العالم , احنا مش بس بنوفر كهربا و لونض في البيوت , لا ده احنا بنحث المواطن انه ينزل يقعد علي اي قهوه او في اي غُرزه , فبنزود حركه تجاره المعسل و الشيشه في السوف !!.. يعني الفايده داخله من ناحيتين ,... غير لما منزعش الماتش , ده بيحمي شبابنا ..
ابراهيم عيسي : ازاي بنحميهم حضرتك ؟؟
السيسي : الشاب المصري يا اوستاز ابراهيم لما يتقرج علي المتشات مش بيركز في الماتش نفسه ! , انما بيركز مع المزز اللي بتبقي في المدرجات ! فالواد يشوف حاجه اول مره يشوفها في حياته , فيتصدم ! , لما يرجع بقي كليته و يشوف زميلته هناك يتخض و يحس ان في حاجه غلط , كل ده حضرتك خطر علي ولادنا ! فاحنا نمنعه انه يشوف الحاجات ديه عشان نحميه من الصدمه و نخليه يرضي باللي في ايده و هو ساكت ..
ابراهيم عيسي : افهم من كلام حضرتك ان في مشكله عنوسه بين بنات مصر ؟؟
السيسي (بغضب ) : اسف مـــــــش حسمحـلك ! انا مش حسمح لك ... تقول لفظ " عنوسه " ده تاني !! (صمت تلت تربع ساعه و بحلقه في تسريحه لاميس ,,, ثم بنحنحه مفرطه ).. اصل .. اصل انتوا مش عارفين .. بنات مصر دول .. حاجه عظيمه قد ايه ..
لميس الحديدي : عفوا يا سياده المشير , بس ابراهيم يقصد , ان البنت اللي كل شويه تقرف ميتين ابونا بصورها علي الفيس و الانستجرام , مره عاوجه مناخيرها و مره مشمره شفافيها عشان تتنيل تتجوز و في الاخر تقعد جنب اهلها لغايه ما تخلل , و الشاب السرسجي اللي بيكون عاوز يتجوز و مش عارف برضه , فيقضيها سكس و مخدرات و مسلسلات تركي ,, و تحس حضرتك اننا في دايره مفرغه ! و الكبت بيزيد بين الجنسين و العرفي مالي البلد و الشقه المفروشه المعفنه في جامع الدول ايجارها بقي ب 500 جنيه في الليله و الموضوع بايظ خالص حضرتك !.. يعني مثلا ايه رأي حضرتك في سبام حلاوه روح اللي انتشر بشراسه علي مواقع التواصل الاجتماعي ؟؟ ده مثلا ملوش دلاله معينه عن حضرتك ؟؟ ..
السيسي ( بعد صمت ساعه و بحلقه في حملات ابراهيم عيسي ) : .. طبعا ليه دلاله !.. احنا بسبام حلاوه روح ده , احنا كمصريين اكتشفنا حاجات كتيره جديده كانت فينا , و عرفنا نفسنا بجد من اول و جديد .. السبام ده حضرتك , كان بيدوس عليه العجوز قبل الشاب , المتجوز قبل الاعذب , الست قبل الراجل , المسيحي و المسلم , المتدين و الملحد , البدوي و النوبي , الغني , الفقير , كلنا كمصريين و لاول مره اتجمعنا علي هدف واحده .. و هو مشهد اغتصاب هيفي وهبي بدون قطع .. و الجميل في الشعب ده ان المواطن المصري اللي كان يدوس علي السبام و ميلاقيش مشهد الاغتصاب , ميستسلمش لا ده يروح دايس عليه تاني !!! و تحسي حضرتيك , اننا بنتعامل مع شعب معجزه ! شعب بالجبروت ده و التصميم ده هو شعب ميتخفش عليه ! و مع جيشه اللي بيحرصه و بيحرص حدوده يقدر في الخمسين سنه الجايه يصنع المستحيل ... بس احنا نصحي بدري علي اربعه الفجر كده و نبطل نتصور جنب روايات احمد مراد ..
No comments:
Post a Comment