ما وراء المسيره

الاحد 11- 1- 2015 , قبل بدايه مسيره رؤساء العالم ضد الارهاب في فرنسا ... 

ابو عباس : هو احنا مش حنتحرك و لا ايه اخوانا ؟؟ الجو برد فشخ !

مريكل : اتقل يا ابو عباس .. فضلنا رئيس تاني و نطلع .. 

ابو عباس : والله يا جدعان المسيره كده حلوه اوي و مش ناقصه حد تاني .. ما يلا يا عم اولاند و يبقي الرئيس اللي فاضل يلحقنا قدام .. 

ميركل : اهو جيه .. نتنياهو !! يا نتنياهو !! و نبي يا اخونا حد يناديه عشان صوتي مش جايب و هو شكله مش شايفنا .. 

ابو عباس : ####### ايه اللي جاب ابن الـ #### ده معانا ؟؟ !! 

نتنايهو (مبتسم من بعيد ) : خلاص شفتكوا .. انا جاي اهو 

ابو عباس : جاي يعمل ايه ده يا جدعان !! طب بالذمه ده ينفع ؟؟ 

مريكل : ابو عباس , مش وقته .. نطلع الطلعه ديه و نبقي نتكلم بعدين , في شخروميت كاميرا بتصور , و اولاند روحه في مناخيره و مش طايق نفسه ... اتقل كده عشان هو جاي علينا دلؤتي .. ازيك يا نتنياهو .. خير , ايه اللي اخرك ؟؟

نتنياهو : معلش .. اصل كان عندي مشكله في دولتي اســـــرائيـــــــل , خصلتها و جيت ... 

ابو عباس : ### انت كده جامد بـروح امك ؟!

نتنياهو : ايه ده , ازيك يا ابو عباس , معلش مشفتكش , اصل مريكل مخبياك 

ابو عباس : لا , ديه امك اللي مخبايني ..

نتنياهو : ربنا يسمحك , و خصوصا انتا بتغلط في والدتي و هي ست كبيره بتتعالج في مستشفي , اكبر مستشفي فيكي يا دولتي اســــرائيــــــل ... خههههخهههه 

ابو عباس : تصدق انت راجل ### !

نتنياهو : اهو انتا ! و علي العموم , الشتيمه بتلف تلف و ترجع لصاحبها 

ابو عباس يتعدي بالضرب علي نتنياهو و مريكل تحجز بينهم و فجأه يتدخل اولاند 

اولاند : بسسسسسسسسسس !!! جري ايه يا ولاد الـ#### انتوا الجوز !! ما تراعوا دين ام الظروف اللي واحد فيها !!

ابو عباس : هو اللي ابتدأو و قالي .. 

اولاند : بس خالص !! 

ابو عباس : بس هو اللي قـ ..

اولاند : قلت بس !! نتنياهو , معلش سيبه واقف مع مريكل و تعالي انتا جنبي .. معلش يا نتنياهو يا حبيبي , بس عاوزين نخلص و نطلع .. 

(فجأه يتدخل رجل اسمر مرتدي قبعه سوداء ) : بس هو انا المفروض اللي ابقي جنب حضرتك :) انا جاي هنا اول واحد 

اولاند : انتا مين اصلا ؟؟

ابراهيم : انا ابراهيم ابو بكر كيتا ؟؟

اولاند : ايوه , يعني مين برضه ؟؟ 

ابراهيم : ابراهيم كيتا , رئيس مالي .. 

اولاند : معرفكش , المهم ايه مشكلتك دلؤتي ؟!

ابراهيم (باكيا ) : مشكلتي !! اني اول واحد جيت في ام اليوم ده !! كل ما يجي حد يرجعني ورا .. والله حرام .. مش اسلوب ده علي فكره !! 

ميركل : خلاص يا كيتا .. متعيطش , معلش يا اولاند خده معاك قدام 

اولاند : مين ده يا ميركل ؟؟ و الله ما اعرفه ... 

ميركل : معلش عشان خاطري , خلاص يا ابراهيم , متعيطش .. خلاص اولاند حياخدك جنبه .. 

ابو عباس : طب ليه مبقاش انا اللي جنبه ؟؟؟ 

اولاند : بس يا ابن الـ ### !! كلمه تاني منك و رحمه ابويا حعلن الحرب علي الضفه الغربيه .. كيتو .. تعالي جنبي يا كيتو , خلينا نخلص من ام اليوم ده و نتحرك بقي .. 

ابراهيم : كيتا حضرتك , اسمي ابراهيم ابو بكر كيتا 

اولاند : يا عم انجز ! انتا حتصحبني ... 

(في تلك الاثناء يقترب دولاند تسك رئيس الاتحاد الاوروبي و يفصل بين مريكل و ابو عباس و يقوم بوضع دراعه كما موجود في الصوره مع ابو عباس و مريكل .. ) 

ابو عباس : لو سمحت يا استاذ , يا استاذ .. معلش اصل محبش حد يمسكني كده .. يا استاذ .. ايه انت بتأنجني ليه ؟؟ هو انا خطيبتك ؟ انتا يا عم .. 

في تلك الاثناء اولاند يقترب من مريكل و يهمس في اذنها : بقولك هو السيسي مش جاي ؟؟ 

ميركل : لا , مقلايش امبارح و لا حتي كتب في جروب الفيس بتوع رؤساء العالم ..

اولاند : هو انتي ضيفته اصلا ؟؟ 

ميركل : اه ضيفاه من ساعه ما مسك الرئاسه و شاف البوست بتاعك و كان seen , بس مردش 

اولاند : و لا حتي like ?? 

مريكل : اقسم بالله seen بس 

اولاند : اه يا سيسي يا ### , مش ده بتاع الحرب علي الارهاب , الحرب علي الخرا ... اخلص ليلتي ديه و افوق له ........ يلا يا اخونا حنبتدي المسيره , توكلنا علي الله ...