الحمار : يا انسه .. يا انسه
هي : ايه ده انت بتكلم !؟
الحمار : هههه , انتي اول مره تسمعي حمار بيتكلم و لا ايه ؟؟!
هي : اه ، الصراحه اول مره , بس علي العموم انت عاوز ايه ؟؟
الحمار : معلش حتعبيك معايا ، بس لو ممكن طلب صغير اوي , دلؤتي انا حموت و ادوق الايس كريم اللي بيقولوا عليه ده .. بس طبعا مش حعرف ادخل المحل اجيب , فممكن لو تقدري تجيبي لي ايس كريم ابقي سعيد جيدا ... و يبقي كتر خيرك ،
هي : بسيطه , بس انت عاوز بطعم ايه ؟؟
الحمار : الفانيلا , و لا اقوليك هاتي لي منجا
تدخل السوبر ماركت و ترجع بالايس كريم للحمار
حمار : معلش لو مفهاش تعب , ممكن تفتحيها لي و تأكليني , عشان زي ما انتي شايفه انا ساند علي ايدي
هي : ههههه و لا يهمك ..
الحمار : معلش .. بس بجد اخر طلب !! انا نفسي و انت بتاكيلني الايس كريم تغني لي اغنيه " بحبك يا حمار " .. عشان بحبها اوي الاغنيه ديه , و اهو تبقي عملتي فيا ثواب ,
تبدأ بغناء الاغنيه للحمار و تطعمه الايس الكريم , و لكنها تُفاجأ بالماره يمرون من امامها و يضحكون عليها , فمنهم من توقف ليصورها ساخرا منها و منهم اكتفي بالضحك فقط ..
هي : بقولك يا حمار .. ممكن تتكلم و تقولهم اي حاجه ،، لاحسن يفتكروني مجنونه و لا حاجه ؟! , قولهم انك طلبت مني كده ...
ينظر لها الحمار في صمت رهيب ... فتستغرب من صمته ! , فتكرر طلبها مره اخري من الحمار و لكن لا فائده , فتتعصب ! .. و لكن يتجمع الناس اكتر علي صراخها ، و يتهمونها بالجنون الصريح !!
هي : يا حمار اتكلم !! قولهم ان انت اللي قلت لي اجيب لك ايس كريم و اغني ليك !!! طب انا عملت فيك ايه عشان تخلي منظري كده ؟!!! يا جماعه صدقوني , هو اللي قالي اجيب ليه ايس كريم !! يا جماعه انا مش مجنونه , انما انتوا مش عارفين حاجه ! الحكايه كلها اني قلت اعمل في الحمار خير عشان صعب عليا , يا حمار يا ابن الحمار اتكلم !!!
يضحك عليها البعض و يشفق عليها البعض و ينعتها البعض الاخر بقله الربايه !! و لكنهم في النهايه ينصرفون , تاركينها وحيده تصرخ في الحمار !! و لكنها هي الاخري تتعب و تجلس حزينه علي نفسها , مستأه من طيبتها و لاعنه سذاجتها التي اوصلتها لذلك المشهد المحرج !! , تتسأل لماذا غدر بيها هذا الحمار ، فلم تؤذيه قط او تعامله كما يعامله صاحبه بالسياط او الضرب ، كانت تتعامل معه بطريقه اسمي من كونه مجرد حمار !!؟
و لكن اخيرا يخرج الحمار عن صمته , فينفجر ضحكا ..
الحمار : ههههههههه .. مش قادر .. هههه و خصوصا منظريك و انتي بتقولهم ده الحمار قال لي ههههه .. منظرك كان مش ممكن هههههههه
هي : بقي هي ديه غلطتي اني صدقتك و وثقت فيك , غلطتي انك صعبت عليا و قلت اعمل معاك خير , هي ديه كلمه شكرا اللي المفروض تقولها لي ..
الحمار : ههههه و انتي حد قال لك تصدقي حمار هههههه .. ؟!
No comments:
Post a Comment