1987 , Steven Carter و Julia Sokol نزلوا كتاب أسمه (Men Who Can't Love: How to Recognize a Commitmentphobic Man Before He Breaks Your Heart ) .. كتاب كان بيتكلم عن الرجاله اللي بتخاف من الـ commitment ( الإلتزام ) في إي علاقه ثابته زي الإرتباط او الجواز .. و بالرغم من إن الكتاب حقق نجاح جماهيري , إلا ان النقاد هجموه جامد و خصوصا انه حصر فكرة الخوف من الإلتزام علي الرجاله بس , و عشان كده المؤلفين راحوا عملوا جزء تاني لنفس الكتاب سنه 1995 تحت عنوان (He's Scared, She's Scared )
سنه 1978 , عالم النفس Stanley Rachman عمل كتاب أسمه ( Fear And Courage ) و اللي ناقش فيه إيه أسباب الخوف الناتج عن التجارب و البيئه المحيطه بالإنسان .. و وضحها في 3 نقط :
1-الـ classical conditioning (الإشراط الكلاسيكي ) : و عشان نطبقها في حالة الشخص الـ Commitmentphobic , حنقول ان الموضوع بيبتدي لما شخص يدخل في علاقة عاطفيه .. و يكون سعيد جدا بالعلاقة ديه .. بس فجأه تنقطع و يحس بألم الفراق ,, فيتربي جواه حذر من موضوع الحب ,, مره ورا التانيه ,, لغايه ما فجأه الحذر يتحول لخوف ! و يبقي خايف يدخل إي علاقة تاني لتكون نهايتها مؤلمه و قاسيه عليه زي اللي فاتوا .. أو بمعني أصح اللي أتسلع من الشوربه ينفخ في الزبادي !
2-الـ vicarious acquisition : هنا بقي الشخص الـ Commitmentphobic , مامرش بالتجربه الفاشله , بس شافها بتحصل لحد من اصحابها او حد من اللي يعرفهم ,, و شاف الحاله الحزينه الكيئبه اللي كان الأنسان ده فيها .. فخوفه أتربي من أنه مش عاوز يبقي زي الشخص ده ..
3-الـ informational acquisition : هنا لا شاف و لا جرب , أنما سمع ! هنا الخوف اللي أتزرع في الشخص الـ Commitmentphobic كان ناتج عن حواديت سمعها من ناس او تجارب اتحكت له عن حد .. ممكن برضه التربيه الغلط و المعلومات المشوهه تطلع حد خايف من الإلتزام !
الكارثه في الـ Commitmentphobia أنها مش مجرد رهاب او خوف من حاجه مش كويسه او ممكن نجتنبها زي مثلا الـ Arachnophobia (الخوف من العناكب ) , ممكن ببساطه تحاول تتجنب العناكب و تريح نفسك , أما في الـ Commitmentphobia , الشخص خايف من الإلتزام , اللي هو جزء لا يتجزء عن الحب ! .. فيبقي عايش في جحيم .. هو عاوز الشعور الجميل بتاع الحب .. و في نفس الوقت مش قادر يتحمل عبء الشعور ده من مسؤولية و إلتزامات .. فهو مش بيكدب لما بيقول لحبيبته انه فعلا عاوز يعيش معاها طول عمره .. بس هو أجبن من أنه يحقق ده علي أرض الواقع .. فهو حبيب مُحطم من الدرجه الأولي ,, و زي ما هو مُحطم , برضه الإنسانه اللي بتتعلق بشخص Commitmentphobic بتبقي عايشه كابوس ! و المشكلة الحقيقه لما يوصلها شعور أن خلاص ! .. انا ضحيت معاه بفرص كتير , حاولت بقدر الإمكان أساعده يهزم خوفه , مش حينفع عمري يضيع جنب واحد مش قادر يتحمل المسؤوليه او ياخد قرار ! .. و الصراحه عندها حق , فكان في جملة بتقول " Where Fear Lives, Love Cannot Exist " فإينما يعيش الخوف لا يمكن يوجد الحب ! فالشخص الـ Commitmentphobic تعبان , بيتعذب , خايف ,, كل الحاجات اللي مش كويسه ديه , بس لو فعلا بيقدر حب و تضحيه حبيبته , حيصارع لغايه لأخر نفس و حيتغلب علي خوفه ,, و لو مكنش عشان خاطر حالته المزرية , يبقي علي الأقل عشان ميفقدش الإنسانه اللي بيحبها ..
No comments:
Post a Comment