في كتابه " Curvology: The origins and power of female body shape " , تسأل عالم الأحياء David Bainbridge .. اشمعنا أنثي الانسان هي الأنثي الوحيده بين باقي الحيوانات اللي تكوين جسمها بيختلف بدرجه كبيره عن ذكر نفس الفصيله ؟! أشمعنا التكوين الجسدي لطفل الأنسان سواء ذكر او أنثي يبقي شبه بعض في مرحله الولاده , بس اثناء مرحله النضوج يبتم الاختلاف الرهيب ده ؟! .. الـ female curves ... او بمعني أبسط "ثنايات جسم الأنثي" , و اللي بتكون نتيجه توزيع الدهون بشكل مميز و خاص للست دون الرجل , ليه مفيش female curve في انثي الكلب او التمساح مثلا ؟!! ايه الهدف من وجودها ؟؟! و ايه سر جاذبيتها الرهيبه اللي بتخطف بيها معظم الرجال !!؟!
David Bainbridge بيجاوب علي كل اسئلته ديه بالتطور الأنساني human evolution ! ,, حسب الدراسات اللي ذاكرها في كتابه , Bainbridge , بيقول ان الانسان الأول سواء ذكر او انثي مكنش جسمه زي ما هو موجود دلؤتي , انما الاجسام عموما مرت بتغير و تحوير لغايه ما وصلت للشكل اللي موجوده عليه حاليا , .. و السبب ورا التغير ده هو الحاجه ! , بمعني ... السبب ورا شكل الحوض العريض اللي بيمز أنثي هو لانها بتولد اطفال برؤس كبيره ..!! .. تراكم الدهون عند منطقه الفخد و الصدر بالشكل الأنثوي ده هدفه تخزين الدهون و حرقها انثاء الرضاعه عشان يمدها بالطاقه الكافيه ! .. و حتي بعد الرضاعه , الدهون ديه بيتخزن فيها هرمونات الانوثه زي الاستروجين اللي بتحتاجه الست بعد انقطاع الدوره عشان يحميها من هشاشه العظام و امراض القلب .. !
بمعني أصح David Bainbridge , بيقول ان الهئيه اللي عليها الست ديه مش مجرد شكل علي الفاضي , و ان الـ female curves في سبب علمي و بيولوجي وراها ... بس ليه معظم الرجاله بينجذبوا للـ female curves ؟!! , ليه بنشوف المودلز اللي بتعجب الرجاله , هما المولدز اللي بيتمتعوا بقدر أكبر من الـ curves ؟!! .. برضه العلم عنده تفسير ,, و التفسير موجود في لاوعي الرجل ... الموضوع يبدأ من لحظه ما الرجل يشوف اي أنثي .. بيحصل زي عمليات تحليل و أختيار للشكل الخارجي للأنثي .. و يبتدي لاوعي الرجل يقرر سواء جسم الأنثي ديه مناسب لا لأ .. و تتربط مدي صلاحية الأنثي الإنجابيه بشكلها الخارجي و الـ curves اللي فيها .. و كل ما الـ curves زادت في الانثي , كل ما زادت معاها قبول الأنثي ديه عند الرجل .. و اللي بتترجم في شكل أرتفاع في هرمونات الشهوه و رغبه !!
و لكن زي ما الـ curves تعتبر فرصه كويسه للتكاثر بالنسبه لأغلب الرجاله , ساعات بتعتبر لعنه لأغلب الستات .. نظرا ان في ستات و بنات كتير بتربطها بالتُخن , .. David Bainbridge , بيقول ان الأعلام و المجتمع عاوز يحصر جسم الأنثي في شكل و هيئه معينه .. و الهدف من الموضوع ده هو فرض سيطره ما علي الأنثي , و ان حتي جسمها بيتم التحكم فيه تحت اشراف معاير و مقايس المجتمع ... اه التُخن مش صحي و بيصاحب أمراض كتير , بس مينفعش الانثي تصاب بوسواس قهري بخصوص جسمها او توصل لحاله عداء مع شكلها لمجرد انها عاوزه ترضي الاخر او تناسب وجهات نظر الناس .. عشان لو فتحت الباب ده مش حتعرف تقفله .
No comments:
Post a Comment