سنة 2001 , في مقالة بعنوان Can Men and Women Be Friends ?" " , تسألت الكاتبه Camille Chatterjee عن إمكانية الصداقة بين الراجل و الست ؟؟ .... و ذكرت ان من أهم المعوقات اللي ممكن توقف بين صداقة اي راجل و اي ست هي الـ Sexual tension
سنه 2015 , و تحديدا في جامعة The Norwegian University of Science and Technology أتعملت التجربه كامله عشان تحاول تجاوب علي السؤال ده , هل الرجاله و الستات ممكن يبقوا اصحاب .. و كانت بمشاركه 181 ست و 127 راجل .. التجربة كانت أنهم يخلوا الستات و الرجاله ديه يتكلموا مع بعض و يتناقشوا في مواضيع عشؤوايه و بعد كده يسألوا كل واحد منهم ايه رأيه في الشخص اللي أتكلم معاه كصديق ؟ .. و كانت المفاجأه ان أغلب الرجاله من مجرد المحادثه البسيطه اللي تمت بينهم و بين اي ست , تخيلوا ان الست منجذبه ليهم عاطفيا و هما أبدوا الأنجذاب ليهم جسديا !! .. و ده ببساطه الـ Sexual tension
الـ Sexual tension , هو لما الراجل يبتدي يتعامل مع اي ست برا نطاق اسرته او دايرته الشخصيه , علي اساس جنسي .. و جنسي مش مقصود بيها انه عاوز يمارس معاها الجنس – بالرغم من انها بتبقي أمنيه سايده بين رجاله كتير – بس مجرد انه يجردها من شخصيتها و فكرها و مييتعاملش معها غير علي اساس جنسها , ديه في حد ذاتها نظره جنسيه ! .. و النظره ديه كفيله انها تشوه نظرة الست لاي راجل تتعامل معاه بعد كده .. و تربي عندها خوف عام من الرجاله , علي اساس ان كلهم طمعانين فيها .. فالـ Sexual tension ببساطه بيفسر ان ليه في ولاد كتير بيكون هدفها في مصداقه البنات مجرد تفريغ رغبه او أحتياج جسدي .. و علي الناحيه التانيه ليه في بنات كتير مش مؤمنه بفكره الصداقه بين الولاد إلا لو أخرها علاقه زوجيه جاده !! .. فلو الـ Sexual tension مصدره الراجل , فليه مردود قوي جدا علي الست
في نفس مقالة Camille Chatterjee بتاعة Can Men and Women Be Friends ?"" بتذكر رأي عالمه نفس أسمها Linda Sapadin بخصوص القضيه ديه ,, فـ Linda شايفه ان ممكن زمان كونا نقدر نقول مفيش رجاله ينفع تصاحب ستات , بس في زمنا ده لازم الرجاله و الستات يبقوا أصحاب ! .. زمان كان الست بتبقي في الخيمه تطبخ و تربي العيال و الراجل بيروح يصطاد و يزرع .. أما دلؤتي الست بتتشغل مع الراجل في نفس الشركه و نفس المكتب .. بتجمعهم علاقات عمل و مصالح مشتركه .. لازم حيتكلمواو يتحركوا مع بعض , ده ممكن حتي يسافروا مع بعض ! فأي كلام عن الـ Sexual tension في المجتمعات العمليه المتقدمه هو رجوع مخزي للحضاره ..
فخلينا نسأل نفسنا , هل عمرنا حسينا بانجذاب جسدي او شهوه تجاه اصدقاءنا اللي من نفس جنسنا !!؟ هل عمرك نزلت قعدت مع صاحبك اللي في القهوه و كان حلمك تمسك ايده ؟! أو عمرك روحتي مع صاحبتك Shopping و انتي بتفكري هي بتبص لك بصه جنسيه و لا لأ ؟! .. أعتقد أغلبنا حيجاوب لأ ,, انتا بتنزل تقعد مع صاحبك عشان بتتسريح له و انتي بتنزلي تعملي Shopping مع صاحبتك عشان بيعجبك ذوقها و شخصيتها .. أحنا بنصاحب الناس عشان بنحب طبيعتهم , فكرهم , روحهم .. بنصاحب الناس عشان بيضحكونا , بيوقفوا جنبنا , بيحسسونا انهم أخواتنا بجد .. بنصاحب الناس عشان جوهرهم مش جنسهم ! .. فقبل ما نتكلم عن صداقه بين بنت و ولد .. نفهم الأول يعني ايه صداقه و بعد كده نتكلم ..
No comments:
Post a Comment